Mi No Inap Painim Em Gen Long Haus!

Olsem wanem? Sampela taim yu bin tok olsem taim yu no inap painim gen man bilong haus husat i laik harim tok? Maski yu bin go bek planti taim, yu no inap givim wara, olsem stori gen long tok i tru yu bin planim. (1 Kor. 3:6) Sampela taim, sampela pablisa i save raitim pas long man em ol i no inap bungim gen long haus, o ol i lusim wanpela liklik toksave long dua bilong em. Na sampela pablisa i pilim em hatwok long gobek planti taim, olsem na ol i save askim man long fon namba bilong em, ating ol i askim olsem, “Yu gat fon?” Taim yu go bek lukim man i laik harim tok o stori wantaim em long rot bilong pas, e-mail, teksim em, lusim liklik toksave long dua bilong em, o ringim em, yu inap kaunim dispela olsem gobek. Maski sapos em i no save stap planti taim long haus, yumi inap stori moa wantaim em na kirapim laik bilong em long kisim save moa.