Kamapim Strong Bilong Tok Bilong God Taim Yu Autim Tok

Taim man i givim taim bilong em long yumi long autim gutnius long em, yusim gut dispela haptaim na kamapim klia strong bilong Tok Bilong God long rot bilong ritim skripsa stret long Baibel. Ol tok bilong spesel de kibung long las yia i bin stori planti long dispela. Wasman sekit i bin mekim wanpela tok nem bilong en “Kamapim Strong Bilong Tok Bilong God Taim Yu Autim Tok.” Yu inap tingim yet ol bikpela poin bilong en?

• Bilong wanem tok bilong Jehova i gat bikpela strong winim bilong yumi?—2 Tim. 3:16, 17.

• Olsem wanem ol tok bilong Baibel i kirapim bel, stretim stretim tingting na bel, na pasin bilong man?—Lukim Wastaua, Jun 15, 2012, p. 27, par. 7.

• Taim yumi autim tok na ritim wanpela skripsa long man, olsem wanem yumi inap pulim tingting bilong em i go long Tok Bilong God long rot we i kirapim em long rispek long en?—Lukim buk Skul Bilong Autim Tok, p. 148, par. 4-5 na Wok Kingdom bilong Mas 2013, p. 13, par. 8.

• Bilong wanem em i bikpela samting long stori na kamapim gut insait bilong ol skripsa yumi ritim? Yumi inap mekim olsem wanem?—Apo. 17:2, 3; lukim buk Skul Bilong Autim Tok, p. 154, par. 4 i go long p. 156 par. 5.