Mekim Wok Autim Tok I Kamap Gutpela moa—Stretim Rot Long Mekim Gobek

RISEN:

Yumi laik givim wara long ol sid bilong tok i tru. (1Ko 3:6) Taim yumi bungim man i amamas long putim yau, yumi ken lusim wanpela askim we inap opim rot long yumi long toktok moa wantaim em taim yumi go bek lukim em. Dispela bai kirapim laik bilong em long kisim bekim bilong dispela askim, na tu, dispela bai helpim yumi taim yumi redim tok bilong mekim gobek. Taim yumi mekim gobek, yumi ken tokim em olsem yumi go bilong bekim askim yumi bin lusim wantaim em.

ROT BILONG MEKIM:

• Taim yu redim tok yu bai yusim long autim tok, redim tu wanpela askim yu bai lusim wantaim man bambai yu inap bekim taim yu go bek lukim em. Ating bekim bilong dispela askim i stap long nius yu bai tilim long em. O, ating yu ken redim wanpela askim em bekim bilong en i stap long ol buk na buklet we yumi save yusim long stadi wantaim ol man, na ating yu inap tilim dispela buk o buklet taim yu mekim gobek.

• Taim yu laik pinisim toktok bilong yu wantaim man i amamas long putim yau, toksave long em olsem yu laik i go bek lukim em, na kamapim askim yu bin redim. Sapos inap, yu ken askim long fon namba bilong em.

• Sapos yu makim stret de na taim bilong i go bek lukim em, orait yu mas inapim tok bilong yu.—Mt 5:37.