Invatesen Bilong Kibung

Long olgeta wan wan yia, yumi laik tru long bung long rijinel kibung na kisim kaikai bilong strongim bilip. Yumi bai invaitim planti man long kam na bung wantaim yumi, na long dispela rot, ol tu inap pilim gutpela pasin bilong Jehova. (Sg 34:8) Lain elda bai skelim wanem rot i gutpela moa long tilim invatesen.

OL SAMTING BILONG TINGIM

• Kibung bilong mi bai kamap long wanem taim?

• Wanem taim bai kongrigesen bilong mi i kirap long tilim invatesen?

• Bung bilong autim tok bai kirap long wanem taim?

• Mi laik winim wanem ol mak long taim bilong tilim invatesen?

• Mi bai invaitim husat?

YU BAI TOK WANEM?

Bihain long yu tok halo long man, yu ken tok:

“Mipela i tilim dispela invatesen long olgeta hap bilong graun long singautim ol man i kam long wanpela spesel bung. Det, taim, na atres i stap long dispela invatesen. Mipela bai amamas sapos yu kam long dispela bung.”

HAU BAI YU HELPIM MAN I LAIK KISIM SAVE?

Yumi laik invaitim planti man moa long kam long kibung, tasol yumi mas redi long helpim ol man husat i amamas long tok ol i harim.

Long wiken, yu ken tilim magasin wantaim invatesen.