GUTPELA SAVE I KAM LONG BAIBEL | AISAIA 24–28
Jehova i Save Lukautim Ol Manmeri Bilong Em
Wankain olsem man i save givim planti kaikai long ol manmeri, Jehova tu i save givim planti kaikai bilong strongim bilip bilong yumi.
“Bikpela I Gat Olgeta Strong bai i redim bikpela kaikai tru”
Long taim bilong ol man i raitim Baibel, taim ol man i kaikai wantaim, dispela i makim pasin wanbel na pasin pren
“Bai i gat planti gutpela gutpela abus na nambawan wain tru bilong dring”
Planti gutpela gutpela abus na nambawan wain tru i makim gutpela kaikai bilong strongim bilip em Jehova i save givim yumi