MEKIM WOK AUTIM TOK I KAMAP GUTPELA MOA Toktok Wantaim Olgeta Man Long Teritori

RISEN: Sekaraia i tok profet olsem ol man bilong ol narapela narapela tokples bai amamas long harim gutnius. (Sek 8:23) Husat bai skulim ol? (Ro 10:13-15) Yumi gat gutpela wok bilong autim gutnius long olgeta man long teritori bilong yumi.—od-E 84 par. 10-11.

ROT BILONG MEKIM:

• Redi gut. Yu save bungim ol man i mekim narapela tokples? Yusim JW Language aplikesen long lainim ol sotpela tok yu inap yusim long autim tok. O yu ken yusim fon o tablet na soim man long hau em i ken i go long jw.org na painim sampela infomesen long tokples bilong em

• Lukluk gut. Sapos yu autim tok long ol haus, no ken abrusim wanpela haus i gat man i stap long en. Toktok wantaim ol man yu bungim long rot o ol man i sindaun long kar. Sapos yu autim tok long pablik ples, holim tingting olsem yu laik autim tok long olgeta man

• Givim bel long mekim wok. Wok yet long painim ol man husat i no bin stap long haus taim yumi go autim tok. Traim bes long toktok wantaim wanpela man bilong haus na yu ken mekim olsem long kain kain taim. Yumi inap toktok long sampela man bilong haus long rot bilong raitim pas, long rot bilong telefon, na taim yumi autim tok long strit

• Bihainim tok bilong yu. Go bek hariap long lukim man husat i gat intres. Sapos dispela man i mekim narapela tokples, orait painim wanpela husat i save long dispela tokples long helpim em. Yu mas i go yet na lukim dispela man inap long wanpela pablisa husat i save gut long dispela tokples i go lukim em. —od-E 94 par. 39-40

LUKIM VIDIO PREACHING IN “THE MOST DISTANT PART OF THE EARTH,” NA BEKIM OL DISPELA ASKIM:

• 

  Ol bratasista i mekim wanem bilong redim ol yet long i go autim tok long ol teritori i stap longwe? (1Ko 9:22, 23)

• 

  Wanem sampela hevi ol i bin bungim?

• 

  Wanem sampela gutpela blesing ol i kisim?

• Yu ken wok strong long mekim wanem na yu inap autim tok long planti man moa long teritori bilong yu?