Stretim Ol Samting Bilong Autim Tok Long Olgeta Man

Wankain olsem Jehova i bin stretim gut lain Israel, em i mekim olsem long lain bilong em long nau tu na bai ol i ken mekim gut wok em i givim ol. Long olgeta hap bilong graun, ol brens ofis, ol sekit, ol kongrigesen, na ol grup bilong autim tok, olgeta i wok gut wantaim na bai ol inap autim gutnius i go long olgeta hap. Yumi save autim tok long olgeta manmeri, na ol manmeri bilong narapela tokples tu.—Re 14:6, 7.

Olsem wanem? Yu tingting long lainim narapela tokples na bai yu inap helpim wanpela long kisim tok i tru? Maski yu no gat taim bilong lainim wanpela tokples, yu ken yusim JW Language aplikesen bilong lainim sotpela tok bilong yusim long autim tok. Taim yu mekim wok long en long autim tok, yu bai kisim wankain amamas olsem ol Kristen long taim bilong ol aposel i bin kisim. Taim ol manmeri bilong narapela kantri i harim ol Kristen i tokaut long “ol strongpela wok bilong God” long tokples bilong ol, ol i kirap nogut.—Ap 2:7-11.

LUKIM VIDIO AUTIM TOK LONG TERITORI WE OL MAN I MEKIM KAIN KAIN TOKPLES, NA BIHAIN BEKIM OL DISPELA ASKIM:

• Olsem wanem yu ken redi long autim tok long teritori we ol man i mekim kain kain tokples?

• Ol manmeri long teritori bilong yu i save mekim wanem ol tokples?

• Yu ken mekim wanem sapos wanpela i save mekim narapela tokples i laik kisim save long gutnius bilong Kingdom?—od 100-101 par. 39-41