“Samting God i Pasim Pinis . . . ”

Lo Bilong Moses i tok sapos wanpela man i laik kisim divos, orait em i mas i raitim setifiket bilong katim marit. Dispela i mekim na ol i no hariap long brukim marit. Tasol long taim bilong Jisas, ol lida bilong lotu i orait long pasin bilong kisim divos. Ol man i ken divos wantaim meri bilong ol long olgeta kain samting. (nwtsty-E stadi nouts long Mk 10:4, 11) Jisas i tokaut klia olsem Jehova yet em i as bilong marit. (Mk 10:2-12) Man marit na meri marit i mas kamap “wanpela bodi” na ol i no ken brukim marit. Buk Matyu i kolim wanpela risen na i stret long kisim divos, em “pasin adaltri.”—Mt 19:9.

Planti manmeri long nau i holim wankain tingting olsem ol Farisi long sait bilong marit. Taim ol hevi i kamap, wantu ol manmeri i kisim divos. Ol marit Kristen i narapela kain, ol i tingim tok promis ol i mekim long poroman marit na ol i larim ol stiatok bilong Baibel i helpim ol long karim hevi. Lukim vidio Love and Respect Unites Families, na bihain bekim ol dispela askim:

• 

  Olsem wanem yu inap bihainim tok bilong Sindaun 15:1 long marit bilong yu? Bilong wanem em i bikpela samting?

• Taim yu bihainim tok bilong Sindaun 19:11, olsem wanem yu inap abrusim ol hevi?

• Sapos marit bilong yu i laik bruk na yu tingting long kisim divos, yu ken tingim wanem ol askim?

• Olsem wanem tok bilong Matyu 7:12 inap helpim yu long kamap gutpela man marit na meri marit?