BIHAINIM PASIN KRISTEN
God i No Inap Lusim Tingting Long Ol Gutpela Wok Yupela Mekim
Olgeta wokman bilong Jehova inap long mekim ol gutpela wok we em bai tingim oltaim. Gutpela papa o mama i save tingim tru ol samting pikinini i mekim, olsem tasol Jehova i no save lusim tingting long ol wok yumi mekim na pasin bilong yumi long laikim nem bilong em. (Mt 6:20; Hi 6:10) Yumi no wankain, save na sindaun bilong yumi i narapela narapela. Tasol sapos yumi givim bel long mekim wok bilong Jehova, yumi ken amamas. (Ga 6:4; Kl 3:23) Insait long planti yia, planti tausen brata na sista i mekim wok long Betel. Olsem wanem? Yu inap mekim wok long Betel? Sapos nogat, yu inap kirapim wanpela long mekim olsem o yu inap helpim wanpela husat i stap long Betel long mekim yet wok long Betel?
LUKIM VIDIO PUTIM MAK LONG WOK LONG BETEL, NA BIHAIN BEKIM OL DISPELA ASKIM:
Wanem samting i mas kirapim yu long wok long Betel?
Sampela i stori olsem wanem long ol blesing ol i kisim long wok long Betel?
Wanem ol mak yu inap putim bilong winim long wok long Betel?
Olsem wanem yu inap putim aplikesen bilong wok long Betel?