“Olgeta Manmeri Bilong Graun i Wok Long Mekim Wanpela Tokples Tasol”

11:1-4, 6-9

Long Babel, Jehova i paulim tokples bilong ol manmeri em ol i bikhet na ol i go sindaun long olgeta hap bilong graun. Long nau, em i bungim bikpela lain manmeri namel long olgeta lain man bilong graun na bilong olgeta tokples, na em i givim ol “wanpela gutpela tokples tru” na bai “olgeta i singaut long nem bilong Jehova, na wanbel wantaim long mekim wok bilong em.” (Sef 3:9; Re 7:9) Dispela “gutpela tokples” em tok i tru bilong Jehova na samting em i tingting pinis long mekim olsem i stap long Baibel.

Pasin bilong lainim nupela tokples i makim olsem yu mas lainim ol nupela tok na i gat narapela samting tu yu mas mekim. Yu mas lain long nupela pasin bilong tingting. Olsem tasol, taim yumi lainim gutpela tokples bilong tok i tru, tingting bilong yumi i senis. (Ro 12:2) Na em samting yumi mas wok yet long mekim na bai lain bilong God i stap wanbel wantaim.—1Ko 1:10.