Spesel Kempein Bilong Kirapim Baibel Stadi Long Septemba

Long mun Septemba, yumi bai wok strong long yusim buklet Stap Amamas Oltaim! long kirapim Baibel stadi wantaim ol man bilong haus. Ol pablisa inap mekim wok painia haptaim na kisim 30 aua. Hau bai yumi mekim dispela spesel kempein?

• Namba 1 Visit: Yusim laspela pes bilong buklet long kirapim laik bilong man, na soim em long pasin bilong mekim stadi. Tingim tu ol lain em pastaim ol i gat laik long kisim save, dispela i makim tu ol gobek. Maski pastaim ol i no laik stadi long Baibel, ating ol bai amamas long nupela wei bilong stadi na buklet. No ken lusim buklet long ol haus em yumi no bungim ol man long en o salim pas long ol lain em pastaim ol i no gat laik long stadi. Kongrigesen Sevis Komiti inap makim tu ol narapela grup bilong autim tok insait long dispela mun.

• Ol Narapela Rot: Sapos kongrigesen bilong yu i yusim litresa kat, orait putim tu buklet Stap Amamas Oltaim! Tokim ol man husat i amamas long kisim dispela buklet olsem ol inap tu long kisim fri Baibel stadi kos long dispela buklet. Long seim taim, soim ol long pasin bilong stadi o bihain yu ken mekim olsem. Wasman autim tok inap makim sampela pablisa husat i save gut long autim tok long go long ol bisnis teritori na askim ol man long stadi wantaim ol long Baibel. Yu inap askim ol wanwok long stadi long Baibel o long ol manmeri yu bungim taim yu autim tok long kain kain taim na ples.

Jisas i tokim yumi long “kamapim ol disaipel,” “skulim ol.” (Mt 28:19, 20) Dispela spesel kempein inap helpim yumi long mekim olsem long rot bilong yusim buklet Stap Amamas Oltaim!