BIHAINIM PASIN KRISTEN
Holim Wankain Tingting Olsem Bilong Jehova Long Yu Yet
“Jehova i save amamas long ol manmeri bilong em.” (Sg 149:4) Maski yumi gat sin, em i save tingim ol gutpela pasin bilong yumi na ol samting yumi inap mekim. Tasol sampela taim yumi pilim olsem i hatwok long tingim ol gutpela pasin bilong yumi yet. Ating pasin ol narapela i mekim long yumi inap mekim na yumi ting olsem yumi no gutpela inap long mekim wanpela samting. O sapos yumi tingim yet ol popaia bilong yumi long bipo, yumi inap holim tupela tingting olsem Jehova i laikim yumi, o nogat. Wanem samting inap helpim yumi sapos yumi pilim olsem?
Tingim olsem Jehova i save lukim samting em yumi ol man i no inap lukim. (1Sm 16:7) Dispela i makim olsem em i save gut long yumi winim yumi yet. Yumi amamas olsem Baibel i tokaut long tingting Jehova i gat long yumi. Yumi inap kliagut long dispela taim yumi ritim ol ves bilong Baibel na ol stori we i kamapim pasin bilong Jehova long laikim ol man i lotuim em.
WATSIM VIDIO BILIP OLSEM JEHOVA I LAIKIM YU, NA BIHAIN BEKIM OL DISPELA ASKIM:
Tok piksa bilong pikinini i ran long resis na papa i givim wanem skul long yumi long tingting Jehova i gat long yumi?
Sapos man i mekim bikpela rong i mekim ol samting bilong stretim pasin pren bilong em wantaim Jehova, hau bai em i bilip olsem God i laikim em?—1Jo 3:19, 20
Taim brata i ritim na tingim tingim stori bilong Devit na Jehosafat, hau na dispela i helpim em?