Droim Piksa Bilong Helpim Memori Bilong Yu

Ating yu save hatwok long tingim ol tok yu stadi long en, em samting i save painim planti bilong yumi. Tasol ating yu luksave olsem em isi long yumi tingim ol tok bilong Jisas bikos planti taim em i save yusim ol tok piksa, a? Yu inap piksaim long tingting ol dispela tok piksa na dispela i helpim yu long tingim ol dispela tok. Olsem tasol, yu ken holim planti tok long tingting long rot bilong wokim ol piksa long tingting. Hau yu ken mekim olsem? Yu ken mekim olsem long rot bilong droim ol piksa taim yu wok long stadi.

Ol manmeri husat i save droim ol piksa bilong ol nupela samting ol i lainim, planti taim ol i save tingim gut ol dispela samting. Ol i pilim olsem pasin bilong droim ol piksa i helpim ol long tingim ol wan wan tok, na tu, em helpim ol long tingim ol bikpela poin bilong stadi bilong ol. Ol piksa ol i droim em ol simpol piksa tasol. Na evidens i soim olsem ol lapun inap kisim bikpela helpim long yusim dispela pasin bilong stadi.

Neks taim yu stadi, i gutpela yu ken traim droim sampela piksa bilong ol samting yu lainim. Yu bai kirap nogut long hamas save yu ken holim long tingting!