Tingim Gen Ol Skripsa

Olsem wanem? Yu bin hatwok long tingim gen wanpela skripsa bilong Baibel em yu save laikim tru? Ating dispela skripsa i save mekim isi bel bilong yu, helpim yu long daunim ol tingting kranki, o yu laik serim wantaim ol narapela. (Sng. 119:​11, 111) Skelim sampela rot bilong helpim yu long tingim ol skripsa.

• Yusim dispela hap tag long JW Library^® ap. Long dispela hap tag, raitim tok “Favorite Scriptures,” na seivim ol skripsa em yu laik tingim long dispela hap.

• Putim skripsa long hap yu ken lukim. Long wanpela hap pepa, raitim skripsa em yu laikim tingim, na putim long hap we yu ken lukim long olgeta taim. Sampela i save putim long mira bilong ol, na ol narapela i save putim long dua bilong frisa. Sampela i save kisim poto bilong dispela skripsa na putim olsem bekgraun piksa long kompiuta o mobail fon bilong ol.

• Wokim ol liklik kat. Raitim skripsa long wanpela sait bilong kat na long narapela sait raitim ol tok bilong en. Na bihain, lukim skripsa long kat na traim kolim ol tok bilong en long tingting, o tanim kat na traim long tingim em ol tok bilong wanem skripsa.