Ol Witnes Bilong Jehova i Bilip Olsem Lotu Bilong Ol Tasol Em Trupela Lotu?

Ol manmeri husat i tingim lotu olsem bikpela samting, i stret ol i ting olsem God na Jisas i orait long lotu ol i insait long en. Sapos ol i no gat kain tingting olsem, ol i no inap insait long dispela lotu.

Jisas Krais i no wanbel long dispela tingting olsem i gat planti lotu, planti rot, na olgeta i bringim man i go long laip, nogat. Em i tok: “Geit i go long laip em i liklik na rot i go long dispela hap em i liklik tru. Na wan wan manmeri tasol i save lukim na bihainim dispela rot.” (Matyu 7:14) Ol Witnes Bilong Jehova i bilip olsem ol i painim pinis dispela rot. Sapos ol i no ting olsem, ol bai painim narapela lotu.