“Sampela Rot Bilong Tilim Ol Magasin Long . . . ”

Long olgeta mun, long Miting Bilong Wok i gat hap long pasin bilong tilim ol magasin. Dispela hap i no bilong stori long ol tok i stap long magasin, nogat. Em i bilong stori long ol rot bilong tilim ol magasin. Olsem tok i go long brata i lukautim dispela hap i kamapim, brata i mas mekim sotpela kirap bilong tok na kirapim laik bilong ol pablisa long tilim ol nius. Bihain, askim odiens long kamapim tingting bilong ol long wanpela atikol, na olgeta i ken bihainim na kisim save long ol rot em ol i ken bihainim bilong tilim magasin. No ken askim odiens long stori long olgeta pasin bilong tilim magasin, tasol em i ken askim wan wan long kamapim tingting bilong ol long wanpela gutpela askim em ol bai mekim bilong kirapim laik bilong man, na bihain em i askim sampela long stori long wanpela skripsa em ol bai ritim. Nau mekim soim long pasin bilong tilim ol nius. Mipela i kirapim yupela long ritim gut ol magasin paslain na bai yupela i redi long kamapim tingting bilong yupela. Sapos yumi redi gut, dispela hap bilong miting bai helpim yumi long strongim narapela narapela.—Snd. 27:17.