SINGSING 55
No Ken Pret Long Ol!
1. Wok long autim tok blong Kingdom,
Ol manmeri bilong mi.
No ken pret long birua,
Ol man i mas harim tok.
King Krais Jisas i bin rausim
Satan i kam daun long graun,
Krais bai kalabusim Satan,
Pinisim wok bos blong em.
(SINGSING GEN)
No ken guria long ol man,
Maski ol i pretim yu.
Bai mi lukautim yu oltaim
Gutpela wokboi blong mi.
2. Maski birua i planti,
Na ol i tok nogut tu,
Na ol i tok gris long yu,
Em bilong giamanim yu.
No ken pret ol soldia blong mi,
Long pasin nogut blong ol.
Mi bai lukautim yupela
I go nap mi winim pait.
(SINGSING GEN)
No ken guria long ol man,
Maski ol i pretim yu.
Bai mi lukautim yu oltaim
Gutpela wokboi blong mi.
3. Mi bai sambai long yu oltaim,
Mi no nap long lusim yu.
Maski dai i painim yu,
Dai mi nap long daunim tu.
No ken pret long ol birua
Maski ol i kilim yu.
Stap gut yet inap long pinis
Na bai yu ken winim prais!
(SINGSING GEN)
No ken guria long ol man,
Maski ol i pretim yu.
Bai mi lukautim yu oltaim
Gutpela wokboi blong mi.
(Lukim tu Lo 32:10; Neh. 4:14; Sng. 59:1; 83:2, 3.)