STADI 1

Gutpela Kirap Bilong Tok

Aposel 17:22

OL BIKPELA TOK: Kirap bilong tok bilong yu i mas kirapim tingting bilong ol man, kamapim klia samting yu stori long en, na as na ol man i mas harim dispela tok bilong yu.

ROT BILONG MEKIM:

Kirapim tingting bilong man. Kamapim wanpela askim, o wanpela tok, o ekspiriens i bin kamap tru, o kamapim sampela samting yu harim long nius we ol man i harim tok bilong yu bai i gat laik long save long en.

Redi gut paslain, tingim gut laik bilong ol man i harim tok bilong yu na ol samting ol i tingting planti long en, na senisim kirap bilong tok na bai i stret long dispela.
Kamapim klia samting yu stori long en. Kirap bilong tok yu kamapim i mas kamapim klia samting yu stori long en na as bilong tok bilong yu long ol man i harim.
Kamapim klia as na samting yu stori long en i bikpela samting. Senisim tok bilong yu na bai i stret long ol man i harim tok bilong yu. Ol i mas luksave olsem wanem dispela tok inap helpim ol.

Taim yu redim wanpela tok, askim yu yet, ‘Ol brata na ol sista long kongrigesen i karim wanem ol hevi?’ Orait senisim kirap bilong tok bilong yu na bai i stret long ol.