Gras Bilong Empera Pengwin

EMPERA PENGWIN inap swim hariap tru na kalap i go antap long ais long narakain spit. Hau na em i mekim olsem?

Tingim: Empera pengwin i save holim win i stap insait long gras bilong en. Dispela i mekim na em i no kol tumas long taim bilong bikpela kol na em i muv hariap moa winim nomol spit bilong en. Hau na em i mekim olsem? Ol saveman i tok em i save mekim olsem long rot bilong rausim ol liklik win babol i stap namel long ol gras bilong en. Taim ol dispela win babol i lusim gras bilong pengwin, dispela i mekim ol gras bilong en i no pas pas na i helpim pisin long spit tru insait long wara.

Ol ensinia i bin stadim rot bilong mekim ol sip i spit tru long rot bilong yusim ol win babol bilong mekim na bai wara i no ken pas long skin bilong sip. Ol saveman i laik wokim wanpela kain net we bai i wok wankain olsem gras bilong pengwin bilong helpim ol sip long ron gut insait long wara, tasol ol i pilim olsem i hatwok tru long wokim kain samting olsem.

Yu Ting Wanem? Gras bilong empera pengwin i kamap long rot bilong evolusen? O wanpela i bin wokim?