Askim

◼ Wanem taim i stret long yu no ken stadi moa wantaim sumatin?

Sapos yu lukim olsem Baibel sumatin i no mekim wanpela samting bilong winim ol mak long sait bilong bilip, yu ken bihainim savetingting na stretim rot long yu no ken stadi moa wantaim em. (Mat. 10:11) Askim yu yet olsem: Em i save tingim taim bilong stadi? Em i save redim stadi paslain long yutupela i stadi? Em i kam long sampela miting bilong kongrigesen? Em i tokim ol narapela long ol samting em i kisim save long en? Em i bihainim ol stiatok bilong Baibel na mekim ol senis long laip bilong em? Yu mas skelim krismas na save bilong em, na tingim olsem olgeta wan wan man i gat narapela narapela skel long sait bilong kamap strong long bilip. Taim yu no stadi moa wantaim em, yu mas wok yet long visitim em bambai em i gat rot long kirap gen long stadi.—1 Tim. 2:4.