Xikombiso Lexinene—Davhida

Davhida a a rhandza vuyimbeleri naswona a ri nqambhi leyi nga ni vuswikoti. A a kota ni ku tiendlela swichayachayana. (2 Tikronika 7:6) A a ri ni vuswikoti lerova u kale a vitiwa ku ya tlanga endlwini ya Hosi. (1 Samuwele 16:15-23) U pfumerile. Kambe a nga tikukumuxanga hikwalaho ka sweswo, naswona a nga pfumelanga leswaku vuyimbeleri byi lawula vutomi byakwe. Kambe u tirhise vuswikoti bya yena ku dzunisa Yehovha.

Xana wa byi rhandza vuyimbeleri? U nga tekelela xikombiso xa Davhida hambiloko u nga ri xiyimbeleri lexi nga ni vuswikoti. Njhani? Hi ku nga pfumeleri vuyimbeleri leswaku byi ku lawula kumbe byi ku endla leswaku u ehleketa kumbe u endla swilo leswi nga ta tisa ndzhukano eka Xikwembu. Ku ri na sweswo, tiphine ha byona. Vuswikoti byo endla ni ku tiphina hi vuyimbeleri i nyiko leyi humaka eka Xikwembu. (Yakobo 1:17) Davhida u dzunise Yehovha hi nyiko ya yena. Xana na wena u ta endla tano?