I Yini Leswi Bibele Yi Swi Vulaka?

Xana hi hanya “emasikwini yo hetelela”?

A wu ta hlamula njhani?

• Ina

• E-e

• Kumbexana

Leswi Bibele yi swi vulaka

“Emasikwini yo hetelela ku ta fika minkarhi ya mangava leyi swi nonon’hwaka ku langutana na yona.” (2 Timotiya 3:1) Vuprofeta bya Bibele ku katsa ni swilo leswi endlekaka namuntlha, swi kombisa leswaku hi hanya “emasikwini yo hetelela.”

I yini swin’wana hi nga swi dyondzaka eBibeleni?

• Masiku yo hetelela ma ta vonaka hi tinyimpi, ku kayivela ka swakudya, ku tsekatseka ka misava ni mintungu leyi nga ni khombo swinene. —Matewu 24:3, 7; Luka 21:11.

• Emasikwini yo hetelela mahanyelo ya vanhu ma ta hohloka naswona vanhu a va nge vi na mhaka ni vuxaka bya vona ni Xikwembu. —2 Timotiya 3:2-5.

Xana vumundzuku byi va khomele yini vanhu?

Vanhu van’wana va tshemba . . .

leswaku masiku yo hetelela ma ta hela loko ku lovisiwa misava leyi hi hanyaka eka yona swin’we ni vanhu hinkwavo, kasi van’wana va tshemba leswaku xiyimo xa misava xi ta antswa. Wena u ri yini?

Leswi Bibele yi swi vulaka

“Lavo lulama va ta dya ndzhaka ya misava, va ta tshama eka yona hi masiku.”—Pisalema 37:29.

I yini swin’wana leswi hi nga swi dyondzaka eBibeleni?

• Loko masiku yo hetelela ma hela lavo homboloka va ta herisiwa.—1 Yohane 2:17.

• Misava yi ta hundzuriwa yi va paradeyisi.—Esaya 35:1, 6.