Ku Hetisisa Vutirheli Bya Hina Bya Mfumo Tanihi Timbhoni Ta Yehova

1 Tanihi Timbhoni ta Yehova hi na lunghelo lerikulu swonghasi emisaveni. Hi yimela Yehova eka mhaka ya vuako hinkwabyo leyi yi ringaka hinkwavo lava gandzeriwaka tanihi swikwembu. (Esa. 41:1, 23; 43:12) Ku hi pfuna leswaku hi lwela ntshembo wa hina hi laha ku faneleke, Yehova u lunghiselele layiburari leyi teleke ya tibuku. (1 Pet. 3:15) Watch Tower Publications Index i xilotlelo xa nkoka xo kuma rungula leri hi ri lavaka. Ku tolovelana ni swivumbeko swin’wana swa yona swa nkoka swi ta hi pfuna leswaku hi va ni vutshila lebyi engetelekeke eku yi tirhiseni.

2 Hinkwerhu hi fanele ku tolovelana kahle ni nhloko-mhaka-nkulu “Yehova.” Ehansi ka nhloko-mhaka yoleyo eka 1986-1989 Index, xana u nga kuma tinhlamuselo leti hlamuselaka mpfumelelo wa Yehova wa nkarhinyana wa leswo biha? Nakambe, u ta kuma nhloko-mhaka leyi nge “Name” eka 1930-1985 Index ni Index ya sweswinyana. Tinhlamuselo ta xin’wana ni xin’wana lexi humesiweke mayelana ni vito leri nge Yehova ta kumeka laha. Eka xikombo xa lembe na lembe endzhaku ka Xihondzo xo Rindza xa December 15, rungula leri fanaka ri xaxametiwe ehansi ka nhloko-mhaka leyi nge “Yehova.”

3 Nhloko-mhaka yin’wana ya nkoka lowukulu i “Timbhoni ta Yehova.” Yi hlanganisa tinhlamuselo ehenhleni ka Timbhoni ta Yehova tanihi nhlengeletano. Xana wa swi tiva leswaku langutelo ra hina ra le nawini hi rihi ehenhleni ka dyondzo leyi tlakukeke, minkambelo ya ntsumbu, ku dlaya hi ku tisirhelela kumbe mpfuno wa vuhlayiseki bya vanhu? U ta kuma tinhlamuselo ta swivutiso swo tano ehansi ka xihloko lexi nge “attitude toward—.” Nakambe ku xaxametiwe matimu ya manguva lawa ya Timbhoni ta Yehova ematikweni yo hambana-hambana, naswona nxaxamelo lowu engetelekeke wa tinhlamuselo hi Timbhoni ta Yehova wu kumeka ehansi ka nhloko-mhaka ya le xikarhi leyi nge “Statements by Others.” Rungula leri fanaka ri xaxametiwe ehansi ka nhloko-mhaka leyi nge “Timbhoni ta Yehova” eka xikombo xa lembe na lembe xa nkandziyiso wun’wana ni wun’wana wa Xihondzo xo Rindza xa December 15.

4 Rungula ehenhleni ka leswaku vanhu va Yehova eminkarhini ya manguva-lawa va hetisise vutirheli bya vona bya Mfumo hi ndlela yihi ri nga kumiwa hi ku tirhisa tinhloko-mhaka letikulu to hambana-hambana. Ehansi ka xihloko lexi nge “Dates,” ku na nhloko-mhaka ya le xikarhi leyi nge “Clarification of Beliefs.” Ku kombetela eka tinhlamuselo letikulu ta ku twisisa ka hina ka tidyondzo, vuprofeta ni swifanekiselo swa vuprofeta swi xaxametiwe hi nongonoko hi lembe na lembe. “Dates of Prophetic Significance” yi landzela endzhakunyana. Lawa i malembe lawa vuprofeta kumbe swifanekiselo swa vuprofeta swi hetisekeke kumbe swi sunguleke ku hetiseka ha wona.

5 Timhaka ta vutomi ta malandza yo tshembeka ya Yehova i xihlovo xa xikhutazo ni nkongomiso eka hina. Ti nga hi pfuna ku veka xisekelo lexi tiyeke xa nkarhi lowu taka eka vana va hina ni swichudeni swa hina swa Bibele. U ta kuma timhaka leti ta vutomi ti xaxametiwe hi vito ra munhu hi xiyexe ni nhloko-mhaka ehansi ka “Life Stories of Jehovah’s Witnesses.” Nakambe vona nhloko-mhaka leyi nge “Life Stories” eka xikombo xa lembe na lembe xa Xihondzo xo Rindza xa December 15.

6 Lexi hlawulekeke eka vanhu va Yehova i dyondzo ya Matsalwa ya tindhawu timbirhi ta lava va amukeriweke hi Yehova—ya le tilweni ni ya le misaveni. Nhloko-mhaka leyikulu leyi ehansi ka yona hi kumaka tinhlamuselo mayelana ni lava va amukeleke “ku vitaniwa ka le tilweni” i “Congregation of God.” (Vahev. 3:1; Mintirho 20:28; 1 Tim. 3:15) Swihloko swin’wana hi leswi nge “Remnant” na “144 000.” Swihloko swimbirhi, “Great Crowd” na “Other Sheep,” hi swona leswikulu leswi kombetelaka eka rungula leri khumbaka lava ntshembo wa vona ku nga vutomi lebyi nga heriki emisaveni.—Nhlav. 7:9; Yoh. 10:16.

7 Hambi hi vantsongo kumbe hi vakulu, lunghelo ro va un’wana wa Timbhoni ta Yehova ri katsa xivumbeko xin’wana ni xin’wana xa vutomi. Swihloko leswi landzelaka eka Vutirheli Bya Hina Bya Mfumo swi ta kombisa ndlela leyi Index yi nga hi pfunaka ha yona evutirhelini bya hina, ebandlheni, endyangwini ni le nsin’wini.