Bokisi Ra Swivutiso

● Loko muhuweleri a rhurhela eka ndhawu yin’wana, ku fanele ku endliwa yini ku pfuneta ku rhurhela eka bandlha lerintshwa?

Hi ku hatlisa loko muhuweleri a fika a huma eka bandlha rin’wana, matsalani wa bandlha u fanele ku kuma eka muhuweleri vito ra bandlha ra yena ro sungula ni vito ni adirese ya matsalani wa bandlha rero. Kutani a nga tsalela matsalani wa bandlha ro sungula, a kombela khadi ra Bandlha ra “Publisher Record” ni papila ra ku n’wi tivisa. Matsalani la amukelaka xikombelo lexi u fanele ku hlamula handle ko dya nkarhi.—Vona Organized to Accomplish Our Ministry, matluka 104-5.

Muhuweleri loyi a lunghiselelaka ku rhurha a nga pfuna hi ku tiyiseka leswaku u na vito leri faneleke ra bandlha leri a sukaka eka rona na vito ni adirese ya matsalani. Kutani loko a fika ebandlheni lerintshwa, rungula leri ri nga nyikiwa matsalani la nga kwalaho leswaku a ri languta hi ku hatlisa. Swiviko swa ntirho wa nsimu leswi yisiwaka eka bandlha lerintshwa swi nga hlayisiwa ku kondza khadi ra ntirho ri amukeriwa. Endzhaku ka sweswo, ntirho wa muhuweleri wu nga nghenisiwa ekhadini ra ntirho ivi wu katsiwa eka xiviko lexi landzelaka xa n’hweti na n’hweti xa bandlha.

Minkarhi yin’wana muhuweleri a nga ha va a tiva vito ni adirese ya matsalani ebandlheni leri a yaka eka rona. Loko swi ri tano, a ku nge vi na xilaveko xa leswaku vakulu va rindzela xikombelo. Rhekhodo ni ntirho wa muhuweleri ni papila ro n’wi tivisa swi nga rhumeriwa hi xihatla eka matsalani wa bandlha leri muhuweleri a nga ta hlanganyela eka rona.