Marungula Ya Swa Mfumo

Hong Kong: Hambi leswi July a a yi hisa ngopfu, vamakwerhu va endle matshalatshala lamanene entirhweni wa nsimu. Va ve ni nhlohlorhi leyintshwa ya vahuweleri va 2305, naswona 71 va khuvuriwile.

Japani: Xiviko xa vona xa ntsombano wa muganga wa 1991 xi kombise nhlohlorhi ya lava veke kona ya 289 206, ku ri na 4851 lava khuvuriweke. Nakambe va fikelele nhlohlorhi leyintshwa ya vahuweleri va 158 627 hi July, ku engeteleka hi 11 wa tiphesente ku tlula avhareji ya lembe leri nga hundza.

Myanmar: Ku nga khathariseki ndhambi ya khombo hi July, va fikelele nhlohlorhi leyintshwa ya vahuweleri hi 1810.

Philippines: Xilamulela-mhangu lexi hambetaka xa karhi xa nyikeriwa ku pfuna vahlaseriwa va ku buluka ka ndzilo eNtshaveni ya Pinatubo. Sweswinyana, timpfula ta matimba ni ku khuluka ka ndzope, swi vange swiphiqo leswikulu eka vamakwerhu lava a va nga khumbekanga enkarhini lowu hundzeke. Vamakwerhu va wu tlangela mpfuno wa xilamulela-mhangu, tanihi leswi etindhawini tin’wana swiyimo a swi bihile swinene hi September, ku tlula loko ndzilo wu bulukile ro sungula.

Afrika Dzonga: Tiholo ta Mfumo ta mune leti engetelekeke ti nyiketeriwile hi October na November. Hi tsaka swin’we ni vamakwerhu va le Mothutlung ekusuhi na Brits, Umgababa eRibuweni ra le Dzongeni wa Natal, Paballelo ekusuhi na Upington na Knysna lava sweswi va tiphinaka hi Tiholo ta vona vini ta Mfumo.

◼ Tikomiti to Aka ta Xifundza a ti ri karhi ti yisa ntirho wa ku akiwa ka Tiholo ta Mfumo eAfrika Dzonga emahlweni. Mintirho yin’wana yi hetiwa ku nga si hela n’hweti. Hi tsakela ku vika leswaku Tiholo ta Mfumo ta 25 ti hetiwile hi 1991. Minkhenso ya hina leyikulu yi ya eka un’wana ni un’wana la nyikeleke nkarhi ni swilo swa yena entirhweni lowu lowunene lowu tsakisaka Yehova. Xana vo tala va hina va nga va ni xiphemu hi 1992?

◼ Hi swi kotile ku rhumela tithani ta 19 ta tibuku, swakudya ni swiambalo le Angola hi lori eku heleni ka August. Mimphakelo leyi yi fambisiwile ku ya fika le Lubango ku nga khathariseki swiyimo swa pato ro biha etindhawini tin’wana. Nakambe ha tsaka ku vika leswaku sweswi nsimu edzongeni wa Angola yi kuma mphakelo wa nkarhi na nkarhi wa timagazini.