Minhlangano Ya Ntirho Ya September

Vhiki Leri Sungulaka Hi September 7

Risimu 84

15 min: Switiviso swa vandlha ni Switiviso swo hlawuleka leswi humaka eka Vutirheli Bya Hina Bya Mfumo. Bula hi xihloko lexi nge “Xana Ku Tsakela Ku Nga Pfuxetiwa?” ivi u nyikela nkombiso wo koma wa ndlela leyi riendzo ro tano ri nga endliwaka ha yona. September i n’hweti yo sungula ya lembe lerintshwa ra ntirho. Khutaza vahuweleri hinkwavo leswaku va swi endla pakani ya vona ku hlanganyela nkarhi na nkarhi evutirhelini vhiki rin’wana ni rin’wana ni ku hatlisa va vika ntirho wa vona eku heleni ka n’hweti yin’wana ni yin’wana.

15 min: “Dzunisa Xikwembu Xa Ntumbuluko.” Ku hlanganisa xihloko hi swivutiso ni tinhlamulo. Lunghiselela vahuweleri lava fanelekaka ka ha ri ni nkarhi, ku katsa ni vantshwa lava nga xikombiso lexinene, leswaku va hlamusela mintokoto leyi va veke na yona eku fambiseni ka buku leyi enkarhini lowu hundzeke.

15 min: “Marungula Lama Pfuxaka Ku Tsakela.” Bula ni vayingiseri hi matirhiselo ya swiringanyeto leswi ensin’wini ya ka n’wina. Lunghiselela minkombiso mimbirhi kumbe minharhu leyinene leyi lunghiseleriweke kahle.

Risimu 96 ni xikhongelo xo pfala.

Vhiki Leri Sungulaka Hi September 14

Risimu 79

10 min: Switiviso swa vandlha. Katsa xiviko xa timali ni ku khensa minyikelo. Bumabumela vandlha hi nseketelo wa ku hanana wa swilaveko swa vandlha, kun’we ni ntirho wa Sosayiti wa misava hinkwayo. Loko nkarhi wu pfumela, vana ni mintokoto leyi lunghiseleriweke ya ku fambisiwa ka buku leyi nge Hanya Hi Masiku.

15 min: “Nkhuvulo,” buku leyi nge Reasoning, matluka 54-8. Nkulumo yo rhanga leyi sekeriweke eka “Nhlamuselo.” Bula hi ndlela leyi nkulu a nga vulavulaka ha yona ni munhu loyi a aleke ku khuvuriwa. Kandziyisa rungula leri nga eka tluka 54. Kandziyisa nkoka wa ku tinyiketela, ni ku ku kombisa hi nkhuvulo wa mati. Xivulavuri xi gimeta hi ku hlanganisa rungula ra ku khuvuriwa hi moya lowo kwetsima, nkhuvulo wa vafi ni ku khuvuriwa hi ndzilo.

20 min: “Tiyiseka Leswaku Wa Vuyela.” Bulo ra swivutiso ni tinhlamulo. Nyikela nkombiso lowu lunghiseleriweke kahle wu hlanganisa rungula leri hlamuseriwaka eka tindzimana 4 na 5. Kandziyisa xilaveko xa ku vuyela eka vanhu lava tsakelaka lava hi va kumeke eku sunguleni ka n’hweti.

Risimu 10 ni xikhongelo xo pfala.

Vhiki Leri Sungulaka Hi September 21

Risimu 125

10 min: Switiviso swa vandlha. Hlamusela ntokoto wo koma wa nsimu ya ka n’wina kumbe u boxa tinhla to vulavurisana leti ti nga tirhisiwaka vhiki leri entirhweni wa nsimu.

20 min: “Ku Dyondza Nghwazi Leyi Tshameke Yi Hanya.” Swivutiso ni tinhlamulo. Aka ku tlangela dyondzo ya buku leyi, leyi nga ta sungula hi October 12.

15 min: Ku Kamba Ntirho Wa Vandlha. Ku tirhisa tinhlayo leti nga ehandle ka fomo ya Congregation Analysis Report (S-10) leyi rhumeriweke eka Sosayiti loko n’hweti yi sungula, mulanguteri la ungamelaka ni mulanguteri wa ntirho va bula hi tinhla-nkulu ta ntirho wa vandlha wa n’wexemu. Khutazani vahuweleri ni maphayona hi matimba, hikwalaho ka matshalatshala ya vona yo tinyikela entirhweni ni ku tshembeka ka vona hi ku ta eminhlanganweni. Boxa tindhawu leti va endleke kahle ngopfu eka tona. Ku nga ha ringanisiwa ni ntirho wa n’wexemu loko swiviko swi ri kona etifayilini. Nakambe, boxa tindhawu leti ku nga antswisiwaka eka tona elembeni ra ntirho ra 1993.

Risimu 43 ni xikhongelo xo pfala.

Vhiki Leri Sungulaka Hi September 28

Risimu 51

15 min: Switiviso swa vandlha. Marungula Ya Swa Mfumo. Tivisa timagazini leti nga kona to ti tirhisa entirhweni wa nsimu, ivi u ringanyeta yinhla yin’we kumbe timbirhi to vulavurisana leti nga ta tsakisa vanhu va ndhawu ya ka n’wina. Kombisa leswaku timagazini ta sweswinyana ti nga fambisiwa njhani hi ku tirhisa rungula leri hlanganisaka Matsalwa, tanihi rin’wana ra lawa ma andlariweke eka xihloko xa le henhla ka tluka ro hetelela. Tsundzuxa hinkwavo leswaku va tamela buku leyi nge Nghwazi eka Nhlangano wa Ntirho vhiki leri taka.

15 min: Swilaveko swa vandlha kumbe nkulumo leyi sekeriweke eka xihloko lexi nge “Ha Yini U Landzelela Vululami?” eka Xihondzo xo Rindza xa October 15, 1990, matluka 26-9.

15 min: Fambisa Timagazini Hi October. Nkulumo yo koma leyi kandziyisaka ntikelo wa Awake! ni Xihondzo xo Rindza. Vahuweleri va fanele va hatla va hlaya minkandziyiso leyintshwa leswaku va ta vulavula hi ku hiseka loko va ti komba van’wana. Kombisa leswaku muhuweleri a nga wu fambisisa ku yini magazini ivi a hlela ku tlhela a vuya ni nkandziyiso lowu tlhandlhamaka, xisweswo a boxa ntila wa timagazini hi nkarhi wolowo.

Risimu 48 ni xikhongelo xo pfala