Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • km 10/92 tl. 12
  • Endla Xingheniso Lexi Susumetaka

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • Endla Xingheniso Lexi Susumetaka
  • Vutirheli Bya Hina Bya Mfumo—1992
  • Tinhlokomhaka Tin'wana Leti Yelana Na Yona
  • Xana Wa Yi Tirhisa Buku Leyi Nge Ku Hlamulana?
    Vutirheli Bya Hina Bya Mfumo—2008
  • Ku Tirha Nsimu Leyi Hlanganisiwaka Nkarhi Na Nkarhi
    Vutirheli Bya Hina Bya Mfumo—1994
  • Marungula Yo Olova, Lama Humelelaka
    Vutirheli Bya Hina Bya Mfumo—1993
  • Swingheniso Swo Pfuxa Ku Tsakela
    Vutirheli Bya Hina Bya Mfumo—1992
Vona Swo Tala
Vutirheli Bya Hina Bya Mfumo—1992
km 10/92 tl. 12

Endla Xingheniso Lexi Susumetaka

1 Xihondzo xo Rindza ni Awake! ta pfuna eku byaleni ka timbewu ta ntiyiso emianakanyweni ni le timbilwini ta vahlayi. Hikwalaho, hi fanele hi aka tindlela leti humelelaka ta ku yisa timagazini leti etindlwini ta vanhu lava va nga pfuniwaka hi rifuwo ra moya leri nga eka tona.

2 Vini va miti va nga susumeteleka njhani leswaku va amukela ni ku hlaya timagazini ta hina? Ngopfu-ngopfu swi ya hi ndlela leyi hi ti fambisaka ha yona. Swiringanyeto leswinene swa ku lunghiselela swingheniso leswi humelelaka swi kumeka ebukwini leyi nge Reasoning, matluka 9-15.

3 Loko u fambisa Xihondzo xo Rindza xa October 1, u nga ha ringeta ku tirhisa xiringanyeto xa vunharhu lexi nga ehansi ka xihloko lexi nge “Current Events” eka matluka 10-11 ya buku leyi nge Reasoning.

Endzhaku ko titivisa u nga ha ku:

◼ “Loko va ku u hlawula, exikarhi ka swiphiqo swo tala leswi nga kona emisaveni sweswi xana a wu ta lava leswaku ku rhanga ku lulamisiwa xihi?” Yingisela nhlamulo ya n’wini wa muti ivi u khensa marito yakwe. Kutani u nga ha ya emahlweni, u vula swo fana ni leswi: “Xiya leswi Bibele yi swi vulaka tanihi nhlamulo ya swiphiqo swo tano. [Hlaya Esaya 9:6, 7.] Kutani ke nhlamulo ya ntiyiso ya swiphiqo swa vanhu yi ni vulawuri lebyinene bya Mesiya, Yesu Kreste.” Kutani u pfula eka tluka 8 ivi u vulavula hi tindzimana tinharhu to hetelela ta xihloko lexi nge “Mesiya—Xana I Ntshembo Wa Xiviri?”

4 Swingheniso swin’wana swimbirhi leswi u nga swi tirhisaka ni Xihondzo xo Rindza xa October 1 swi kumeka eka tluka 11 ra buku leyi nge Reasoning, ehansi ka xihloko lexi nge “Employment/Housing.” U nga ha vula miehleketo ni swivutiso leswi hi marito ya wena n’wini kumbe u engeta leswi nga ebukwini leyi nge Reasoning. Endzhaku ka ku bumabumela nhlamulo ya munhu, yana emahlweni hi ku avelana na yena leswi swi tsariweke eka ndzimana yo sungula eka tluka 4 exihlokwaneni lexi nge “Xana Ntlhantlho A Wu Kona Ke?” Kutani hi ku hlaya Esaya 65:21-23, boxa mikateko leyi nga ta tisiwa hi vulawuri bya Mesiya.

5 Loko u tirhisa Awake! ya October 8 eka xihloko lexi nge “You Can Overcome Negative Emotions,” u nga ha ringeta ku tirhisa xingheniso xa vunharhu exihlokweni lexi nge “Life/Happiness” eka tluka 13 ra buku leyi nge Reasoning. Endzhaku ko hlanganisa Pisalema 1:1, 2 u nga ha n’wi komba yinhla leyi faneleke eka magazini wa Awake!

6 Nkarhi wun’wana u nga ha hlangana ni vini va miti lava vulaka leswaku va na tona tibuku ta vona ta vukhongeri. U nga ha va hlamusela leswaku na hina hi na tona tibuku leti tirhisiwaka hi hina ntsena (ku fana ni Vutirheli Bya Hina Bya Mfumo); hambi swi ri tano, timagazini ta hina ti hlayiwa hi timiliyoni ta vanhu lava nga riki tona Timbhoni ta Yehovha.

7 Pawulo u vule leswi eka 1 Vakorinto 3:6: “Mina ndzi byarile, Apolosi u cheletile; kambe Xikwembu hi xona xi miriseke.” Loko hi lava leswaku Yehovha a kurisa timbewu ta ntiyiso etimbilwini ta vanhu lava tsakelaka, hi fanele hi xiyisisa ku byala timbewu leti hi laha ku humelelaka hi ku tirhisa swingheniso leswi susumetaka.

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela