Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • km 10/93 tl. 8
  • Khathalela Ku Tsakela Loku U Ku Kumaka

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • Khathalela Ku Tsakela Loku U Ku Kumaka
  • Vutirheli Bya Hina Bya Mfumo—1993
  • Tinhlokomhaka Tin'wana Leti Yelana Na Yona
  • Ku Fambisa Swikhokhelo Hi Yindlu Na Yindlu
    Vutirheli Bya Hina Bya Mfumo—1993
  • Tlhelela Hi Ntsako U Ya Pfuna Lava Tsakelaka
    Vutirheli Bya Hina Bya Mfumo—1993
  • Maendzo Yo Vuyela Lama Olovaka, Lama Humelelaka
    Vutirheli Bya Hina Bya Mfumo—1993
  • Tirhisa Buku Leyi Nge Reasoning Eka Maendzo Yo Vuyela
    Vutirheli Bya Hina Bya Mfumo—1992
Vona Swo Tala
Vutirheli Bya Hina Bya Mfumo—1993
km 10/93 tl. 8

Khathalela Ku Tsakela Loku U Ku Kumaka

 1 Loko hi hangalasa timagazini ta hina ni tibuku tin’wana ta mfumo, hi haxa rungula leri Yesu Kreste a ri twariseke. Hikwalaho hi fanele hi endla matshalatshala yo hlawuleka yo vuyela eka un’wana ni un’wana la kombisaka ku tsakela.

 2 Nkarhi wun’wana n’wini wa muti a nga ha lava ku rhanga hi ku hlaya timagazini a nga si endla xiboho xa leswaku a endla xikhokhelo kumbe doo. Loko u kombise xihloko xo karhi eka Xalamuka! lexi xi nga tsakisa n’wini wa muti, ndlandlamuxa tinhla tin’wana eka xihloko xexo loko u vuyela, bulo ra wena u ri seketela hi tsalwa rin’we ra nkoka ni ndzimana yin’we kumbe timbirhi. Loko ku tsakela ku ya emahlweni, kombisa leswaku Xalamuka! yi pfuna ndyangu hinkwawo. Nkandziyiso wun’wana ni wun’wana wu bula hi swihloko swo hambana-hambana, tanihi mbango, ku antswisa xiyimo xa wena, ku langutana ni swiphiqo swa namuntlha ni swivutiso leswi khumbaka vantshwa. Hlamusela leswaku magazini lowu wa kumeka hi ku endla xikhokhelo ni leswaku a nga amukela minkandziyiso ya 12 hi tin’hweti ta 12 hi munyikelo wa R9,50.

 3 Ku vuriwa yini loko n’wini wa muti a nga xi tsakeli ni xin’we xa swihloko swa nkandziyiso wa Xalamuka! lowu wa ha ku humaka? Ematshan’wini yo gimeta bulo, u nga ha tirhisa nkarhi lowu ku dyondzisa n’wini wa muti swilo swin’wana malunghana ni ntirho wa Timbhoni ta Yehovha hi ku tirhisa rungula leri nga eka tluka 206 ra buku leyi nge Reasoning.

 4 Loko eku sunguleni u fambise nkandziyiso wa “Xihondzo xo Rindza” hi ku tirhisa 2 Timotiya 3:​1-⁠5 ni ku kombisa rungula leri nga eka tluka 2 ra magazini, loko u vuya u nga ha vula swo fana ni leswi:

◼ “Eka bulo ra hina ra nkarhi lowu hundzeke, hi bule hi nhlamuselo ya swilo leswi humelelaka emisaveni namuntlha. Vanhu vo tala va vonaka va nga xi tsakeli Xikwembu kun’we ni mimpimanyeto ya xona ya mahanyelo leyi andlariweke eBibeleni. Leswi swi yi khumbe ngopfu ndlela leyi vanhu va langutanaka ha yona, hi laha swi hlamuseriwaka ha kona eka 2 Timotiya 3:​1-⁠5. Xana u vona onge ku ni xivangelo lexi twalaka xo langutela leswaku ku ta va ni swiyimo swo antswa enkarhini lowu taka?” Endzhaku ka nhlamulo, u nga ha vulavula hi 2 Petro 3:​13. Kutani u pfula eka matluka 227-33 ya buku leyi nge Reasoning, ivi u kombisa leswi Mfumo wu nga ta swi endlela vanhu.

 5 Eka riendzo ro vuyela, u nga ha vona leswaku n’wini wa muti wa kanakana ku endla xikhokhelo xa timagazini. U nga ha ringeta xingheniso lexi leswaku u sungula ntila wa timagazini:

◼ “Ndzi nga tsaka swinene ku nghena ndzi ku tisela minkandziyiso leyi ya ha ku humaka ya Xihondzo xo Rindza ni Xalamuka! endzhaku ka mavhiki man’wana ni man’wana mambirhi. Xana u nga swi tsakela sweswo?” Loko n’wini wa muti a pfumela, tiyiseka leswaku u tsala vuxokoxoko hinkwabyo ivi hi ku tshembeka u ta endzhaku ka mavhiki man’wana ni man’wana mambirhi. Nkarhi wun’wana, hikwalaho ka mpfhuka kumbe swiphiqo swin’wana, u nga ha ringanyeta leswaku u ta kan’we hi n’hweti u tamele minkandziyiso yinharhu. Ntila wa timagazini i ndlela leyinene yo aka ntshembo wa lava kumbexana va solaka Timbhoni ta Yehovha. Mintila yo tala ya timagazini yi tswale tidyondzo to saseka ta Bibele.

 6 A hi endleni matshalatshala yo vuyela eka hinkwavo lava tsakelaka ntiyiso, hi va pfuna endleleni leyi yisaka evuton’wini lebyi nga heriki.​​—⁠⁠Yoh. 4:​23, 24.

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela