Minhlangano Ya Ntirho Ya January
Vhiki Leri Sungulaka Hi January 3
Risimu 101
10 min: Switiviso swa vandlha ni Marungula Ya Swa Mfumo. Kombisa hi ku komisa tinhla to karhi eka timagazini ta sweswinyana leti ti nga tsakeriwaka hi vanhu va le nsin’wini ya ka n’wina.
15 min: Xana Vumundzuku Bya Misava Hi Byihi? Leyi sekeriweke ebukwini leyi nge Reasoning, matluka 112-17. (5 min.) Nkulumo leyi hlanganisaka tinhla leti nga le hansi ka swihlokwana leswi sungulaka eka matluka 112 na 113, yi hlanganisa mhaka ku ya fika exikarhi ka tluka 114. (7 min.) Muhuweleri lontshwa ni muhuweleri loyi a vupfeke, la nga ni ntokoto, va bula hi rungula leri eka matluka 114-16. Maxaka ya muhuweleri lontshwa ma vule leswaku Bibele yi kombisa leswaku misava yi ta lovisiwa. Muhuweleri lontshwa u kombela ku pfuniwa hi muhuweleri la nga ni ntokoto leswaku a twisisa tindzimana ta Bibele mayelana ni misava. (3 min.) Eku heteleleni, bula hi xivutiso lexi nga eka tluka 117 lexi nge “What kind of people will God favor with endless life on earth?” Khutaza hinkwavo leswaku va tikarhatela ku fanelekela lunghelo rero ro tsakisa.
20 min: “Ku Pfuna Van’wana Va Vona Nkoka Wa Tibuku Ta Hina.” Bula ni vandlha hi xihloko. Endla minkombiso endzhaku ka tindzimana 3 na 4. Tivisa vahuweleri hi tibuku ta matluka ya 192, leti vandlha ri nga na tona exitokweni.
Risimu 116 ni xikhongelo xo pfala.
Vhiki Leri Sungulaka Hi January 10
Risimu 147
10 min: Switiviso swa vandlha ni Switiviso leswi hlawuriweke leswi humaka eka Vutirheli Bya Hina Bya Mfumo.
20 min: “Ku Vuyela U Ya Pfuxa Ku Tsakela.” Burisana ni vayingiseri. Loko vahuweleri va tirhisa tibuku ta khale, kombisa ndlela leyi riendzo ro vuyela ri nga endliwaka ha yona eka munhu loyi a tekeke yin’wana ni yin’wana ya tibuku teto.
15 min: Lunghiselela Vana Va Wena Lembe Lerintshwa Ra Xikolo. Nkulumo hi nkulu leyi sekeriweke eka broxara leyi nge School, matluka 3, 30 na 31. Pfuna vatswari va vona xilaveko xo lunghiselela vana va vona mintlhontlho leyi va nga ta langutana na yona exikolweni. Kombisa ndlela leyi swi nga swa nkoka ha yona leswaku vatswari va tivana kahle ni vadyondzisi va vana va vona. Hi ku ya hi swiviko, vatswari van’wana a va xi xiyanga xilaveko xo kombela leswaku vana va vona va nga ngheni etitlilasini ta tidyondzo ta vukhongeri, laha nawu wu pfumelelaka lunghiselelo leri. Loko swi ri tano, i swa nkoka ku endzela nhloko ya xikolo hi xiviri, naswona u famba ni papila leri kombisaka swilo leswi a nga fanelangiki a katseka eka swona. Vana ni nkombiso wo koma, lowu lunghiseriweke kahle laha mutswari, a vulavulaka hi tluka 3 ra broxara leyi nge School ni mudyondzisi. Mutswari u gimeta hi ku nyika mudyondzisi kopi ya broxara leyi nge School.
Risimu 154 ni xikhongelo xo pfala.
Vhiki Leri Sungulaka Hi January 17
Risimu 167
10 min: Switiviso swa vandlha ni xiviko xa timali. Katsa ni marito yo khensa minyikelo. Bumabumela vahuweleri hi ku seketela mintirho ya Sosayiti hi mali ku katsa ni ya vandlha.
20 min: “Ku Tirha Nsimu Leyi Hlanganisiwaka Nkarhi Na Nkarhi.” Yi hlanganisiwa hi swivutiso ni tinhlamulo hi mulanguteri wa ntirho. Emavandlheni lama nga na nsimu leyi hlanganisiwaka nkarhi na nkarhi, endla nkombiso hi ku tirhisa xin’wana xa swingheniso leswi nga le bukwini leyi nge Reasoning leswi kombisiweke eka ndzimana 4 na 5 ku katsa ni xingheniso xin’wana lexi fanelaka lexi xi nga ha vaka xi tekiwe eka ndzimana 6 na 7 kumbe lexi hleleriweke nsimu ya ka n’wina. Emavandlheni lawa ma nga yi hlanganisiki nkarhi na nkarhi nsimu ya wona, ku nga endliwa minkombiso leyi nga ni swingheniso leswi fanelaka leswi humaka ebukwini leyi nge Reasoning. Minkombiso yi fanele yi pfuxetiwa kahle.
15 min: Xana U Lunghekele Ku Langutana Ni Xiyimo Xa Vutshunguri Lexi Tlhontlhaka Ripfumelo? Nkulumo ya matimba hi nkulu la nga ni ntokoto, leyi pfunaka vamakwerhu leswaku va vona ntikelo wa nsirhelelo wa khadi leri nge Advance Medical Directive/Release, a tirhisa tinhla leti nga eka ndzimana 1-3 eka xiengetelo xa Vutirheli Bya Hina Bya Mfumo bya June 1992. Nyika vahuweleri lava khuvuriweke ntsena makhadi lamantshwa, kutani u xiya papila ra October 15, 1992, leri kombisaka ndlela yo tata makhadi. Tsundzuxa vamakwerhu leswaku VA NGA ma tati namuntlha makhadi ya vona, kambe va famba na wona emakaya, va ya anakanyisisa hi swilaveko swa vona hi xikhongelo, kutani va ma tata. Kambe U NGA SAYINI khadi hi nkarhi wolowo. Tana ni khadi leri tatiweke eDyondzweni ya Buku ya Vandlha leyi landzelaka, laha vakulu va nga ta pfuneta ku vona leswaku makhadi ma sayiniwa, ma sayiniwa hi timbhoni ni ku tsariwa siku. Mufambisi wa Dyondzo ya Buku ya Vandlha u ta tirhisa nxaxamelo lowu nga enkarhini wa mavito, ku tiyiseka leswaku hinkwavo lava nga le ntlaweni wakwe va pfuniwa. (Vatswari lava khuvuriweke va nga ha pfuniwa ku tsala ti-Identity Card ta vana va vona.) Un’wana ni un’wana loyi a nga ta va a nga ri kona edyondzweni yoleyo ya buku a nga pfuniwa hi vafambisi/vakulu eka Nhlangano wa Ntirho lowu landzelaka ku kondza makhadi ya vahuweleri hinkwavo lava khuvuriweke ma tatiwa ni ku sayiniwa. Vakulu va fanele va va ni nxaxamelo wa mavito ya lava va saleke ivi va ringeta ku tsala makhadi hinkwawo hi ku hatlisa hi laha swi nga kotekaka ha kona.
Risimu 176 ni xikhongelo xo pfala.
Vhiki Leri Sungulaka Hi January 24
Risimu 178
5 min: Switiviso swa vandlha. Khutaza hinkwavo leswaku va hlanganyela evutirhelini bya nsimu vhiki leri. Tivisa hi malunghiselelo ya nsimu ya vandlha. Tsundzuxa un’wana ni un’wana loyi a nga siki tataka khadi rakwe ra Advance Medical Directive/Release leswaku a ri tsala namuntlha, a pfuniwa hi mufambisi wa Dyondzo ya Buku ya Vandlha kumbe un’wana wa vakulu.
15 min: Ntirho Wa Nsimu Wa Vandlha. Mulanguteri wa ntirho ni nkulu un’wana va kambela ntirho wa vandlha wa tin’hweti ta mune leti hundzeke. Kotara ya lembe ra ntirho yi hundzile (September-December). Xana vandlha ri tirha njhani? Bumabumela vandlha hi ndlela leyinene eka tindhawu leti ri tirhaka kahle eka tona. Nakambe boxa tindhawu leti vandlha ri nga antswisaka eka tona, ivi u nyikela swiringanyeto leswi tirhaka. Katsa ni ntokoto wun’we kumbe mimbirhi yo koma ya nsimu ya tin’hweti ta mune to sungula ta lembe ra ntirho. Gimeta hi marito yo tlangela, lama akaka. Yesu u kume ntsako hi ku endla vutirheli byakwe. Na hina hi nga kuma ntsako hi ku gingiriteka entirhweni lowu Yehovha a hi nyikeke wona.—Yoh. 4:34; 1 Kor. 15:58.
25 min: Bulo hi xihloko lexi nge, “Greed Can Be Deadly” lexi nga le ka Xihondzo xo Rindza xa Xinghezi xa July 1, 1984, matluka 24-8. Leswi swiyimo swa ikhonomi swi nonon’hwaka laha tikweni leri, ku na nkucetelo wo nghenela tindlela ta ku va n’wankumi hi xihatla, naswona leti hlanganisaka vamakwerhu va Vukreste. Kombetela eka swikombiso leswi hlamuseriwaka eka matluka 27 na 28 mayelana ni vuxavisi lebyi hlanganisaka vanhu vo tala, switokofela ni xiyimiso xo kuma mali hi ku hatlisa. Hambi loko swo tala swa swiyimiso leswi swi ri enawini, hi fanele hi tivutisa: Xana hi sungula mabindzu hi ku tshemba leswaku vamakwerhu va Vukreste va ta va vaxavi lavakulu? Xana hi endla ntirho lowu va wu lavaka kumbe swilo leswi va swi lavaka hi ku tirha hi matimba, kumbe xana hi kuma mali hi xihatla hi ku dyelela vamakwerhu? (Vona Xihondzo xo Rindza xa August 1, 1993, tluka 12, ndzimana 11.) Kombisa vamakwerhu hi ku tirhisa matsalwa lawa ma kombisiweke leswaku va tivonela, va nga weli eka ntlhamu lowu tumbeleke wa ku lava mali hi makwanga.
Risimu 179 ni xikhongelo xo pfala.
Vhiki Leri Sungulaka Hi January 31
Risimu 186
5 min: Switiviso swa vandlha. Khutaza hinkwavo ku hatla va sungula entirhweni wa nsimu hi ku hlanganyela eka mahelo-vhiki lawa. U nga ha nyikela swiringanyeto leswi pfunaka swa ku fambisa timagazini ta sweswinyana.
10 min: Fambisa Buku Leyi Nge U Nga Hanya Hi Masiku aParadeyisini eMisaveni Hi Yindlu Na Yindlu. Nkulumo yo koma leyi kombisaka nkoka wa buku leyi eku pfuneni ka vanhu va tiva Yehovha ni ku n’wi gandzela. Kombisa ndlela leyi muhuweleri a nga ha tirhisaka ha yona swiringanyeto leswi nga enkandziyisweni lowu wa Vutirheli Bya Hina Bya Mfumo ku lunghiselela ku tirhisa buku leyi entirhweni wa nsimu.
20 min: “Ku Va Kona eMinhlanganweni—I Vutihlamuleri Lebyikulu.” Yi hlanganisiwa hi swivutiso na tinhlamulo. Mayelana ni ndzimana 2, vulavurisana ni vahuweleri lava hluleke swihinga leswaku va swi kota ku va kona eminhlanganweni nkarhi na nkarhi.
10 min: Swilaveko swa vandlha. Kumbe nkulumo leyi nyikeriwaka hi nkulu, ya xihloko lexi nge, “Vana Ni Langutelo Lerinene Hi Tintswalo Ta Xikwembu,” leyi sekeriweke eka Xihondzo xo Rindza, xa October 1, 1993, matluka 22-5.
Risimu 188 ni xikhongelo xo pfala.