Minhlangano Ya Ntirho Ya December

XIYA: Vutirheli Bya Hina Bya Mfumo byi ta va ni xiyimiso xa Nhlangano wa Ntirho wa vhiki rin’wana ni rin’wana hi December. Mavandlha ma nga ha endla mindzulamiso hilaha swi lavekaka hakona leswaku ma ta kota ku ya eNtsombanweni wa Muganga wa “Varhumiwa Va Ku Rhula Ka Xikwembu” ivi endzhaku ku va ni mpfuxeto wa 30 wa timinete wa tinhla-nkulu ta nongonoko eka Nhlangano wa Ntirho wa vhiki leri tlhandlamaka. Mpfuxeto wa siku rin’wana ni rin’wana ra nongonoko wa ntsombano wa muganga wu fanele wu averiwa vamakwerhu vambirhi kumbe vanharhu va xinuna lava fanelekaka ka ha ri na nkarhi, lava nga ta kota ku hlawula tinhla-nkulu. Mpfuxeto lowu lowu lunghiseleriweke kahle wu ta pfuna vandlha leswaku ri tsundzuka tinhla-nkulu, ta munhu hi xiyexe ni ta ku ti tirhisa ensin’wini. Tinhlamuselo ta vayingiseri ni mintokoto leyi runguriwaka swi fanele swi koma ni ku ba nhloko ya mhaka.

Vhiki Leri Sungulaka Hi December 2

Risimu 134

10 min: Switiviso swa vandlha leswi faneleke swi tameriwa hi matsalana. Switiviso leswi hlawuriweke eka Vutirheli Bya Hina Bya Mfumo. Tsundzuxa vahuweleri hinkwavo leswaku va hlanganyela evutirhelini bya nsimu eku sunguleni ka n’hweti. Lava nga ta va va nga ri kona kumbe lava yaka entsombanweni wa muganga eku heleni ka n’hweti va fanele va yisa swiviko swa vona va nga si famba. Kandziyisa xilaveko xa leswaku hinkwavo va yisa swiviko swa vona n’hweti leyi.

15 min: “I Mani La Nga Ta Yingisela Rungula Ra Hina?” Swivutiso ni tinhlamulo. Katsa ni tinhla leti humaka eka Awake! ya March 22, 1987, tluka 5 malunghana ni leswi endlaka rungula ra hina ri tsakisa.

20 min: “Rito Ra Xikwembu Ra Kongomisa.” (Tindzimana 1-6) Endla xingheniso xa nkulumo leyi hi tindzimana 1-2. (Katsa na buku leyi nge Ku Hlamulana, matluka 39-40, ivi hi ku komisa u hlamusela mune wa “Swivangelo swo kambisisa Bibele.”) Vana ni vahuweleri lava nga ni vuswikoti va endla nkombiso hi swingheniso leswi ringanyetiweke leswi nga eka tindzimana 3-6. Rhamba vayingiseri leswaku va hlamusela (1) ndlela leyi swivutiso leswi vutisiweke swi pfuneke ha yona ku kondletela ku tsakela, (2) ndlela leyi matsalwa lama tirhisiweke ma yi fanelaka ha yona mhaka leyi ku buriweke ha yona, (3) ndlela leyi riendzo ro vuyela ri landzelaka bulo lero sungula hilaha ku faneleke ni (4) ndlela leyi endlelo ra dyondzo ri hlamuseriweke ha yona.

Risimu 75 ni xikhongelo xo pfala.

Vhiki Leri Sungulaka Hi December 9

Risimu 100

10 min: Switiviso swa vandlha. Xiviko xa timali. Hlamusela malunghiselelo yo hlawuleka ya ntirho wa nsimu ya December 16.

20 min: “Xana U Vika Nkarhi Na Nkarhi?” Bulo hi matsalana wa vandlha. Kandziyisa xilaveko xa leswaku hinkwerhu hi vika nkarhi na nkarhi naswona hi ku hatlisa. Leswaku u kuma rungula leri engetelekeke malunghana ni nkoka wa ku vika hi kombela u vona buku leyi nge Ku Hleleriwa Ku Hetisisa Vutirheli Bya Hina, matluka 106-109.

15 min: “Rito Ra Xikwembu Ra Kongomisa.” (Tindzimana 7-9) Hlamusela hi “Xilaveko Xa Nkongomiso” eka Xihondzo xo Rindza xa May 1, 1993, tluka 3. Hlamusela mhaka leyi ha yona swingheniso swa hina swi faneleke swi kandziyisa nkoka wa ku lava mpfuno eka xihlovo lexi tlakukeke—Xikwembu. Vana ni muhuweleri a endla nkombiso hi swingheniso swa tindzimana 7-8. Kandziyisa leswaku pakani ya hina ku fanele ku va ku sungula dyondzo ya Bibele hi ku tirhisa buku leyi nge Vutivi.

Risimu 197 ni xikhongelo xo pfala.

Vhiki Leri Sungulaka Hi December 16

Risimu 209

10 min: Switiviso swa vandlha. Nyikela swiringanyeto malunghana ni ndlela yo hlamula hi vutlhari eka maxewetelo ya tiholideyi ta misava. Hlamusela malunghiselelo yo hlawuleka ya ntirho wa nsimu hi December 25 na 26.

15 min: “Ku Tinyikela Hi Ku Swi Rhandza.” Swivutiso ni tinhlamulo. Katsa ni tinhlamuselo leti humaka eka Watchtower ya May 1, 1984, tluka 22.

20 min: “Ku Tsakela Ku Andza Loku Humaka Eka Xikwembu.” Nkulumo leyi hisaka hi nkulu. Hlawula mintokoto kumbe vumbhoni bya ku andza ematikweni lama kombisiweke, hilaha yi nyikeriweke hakona eka ti-Yearbook ta sweswinyana.

Risimu 41 ni xikhongelo xo pfala.

Vhiki Leri Sungulaka Hi December 23

Risimu 93

10 min: Switiviso swa vandlha. Kombisa tinhla tin’wana to vulavula ha tona eka timagazini ta sweswinyana leti nga tirhisiwaka ensin’wini vhiki leri. Hlamusela malunghiselelo yo hlawuleka ya ntirho wa nsimu wa January 1.

15 min: Swilaveko swa vandlha. Kumbe nkulu a nyikela nkulumo hi xihloko lexi nge “Ku Wisa Ku Tirha—Xana I Nyangwa Lowu Pfulekeleke Ntirho Wa Le Tilweni?” lexi nga eka Xihondzo xo Rindza xa July 15, 1996, matluka 24-5.—Vona Insight, Vholumo 2, tluka 794, tindzimana 2-3.

20 min: “Ku Tsarisela Xikolo Xa Vutirheli Bya Le Tilweni.” Nkulumo hi mulanguteri wa xikolo. Nyika tinhlayo ta lava tsariseke kwala vandlheni, ivi u khutaza hinkwavo lava nga swi kotaka leswaku va tsarisa. Pfuxeta swiletelo swa tinkulumo ta swichudeni leswi nyikeriweke eka “Xiyimiso Xa Xikolo Xa Vutirheli Bya Le Tilweni Xa 1997.”

Risimu 166 ni xikhongelo xo pfala.

Vhiki Leri Sungulaka Hi December 30

Risimu 223

10 min: Switiviso swa vandlha. Loko vandlha ra ka n’wina ri ta cinca minkarhi ya minhlangano eka lembe lerintshwa, nyika xikhutazo xa tintswalo lexi khutazaka hinkwavo leswaku va endla mindzulamiso leyi faneleke ni ku tshama va ri kona eminhlanganweni ya vandlha hi minkarhi ya yona leyintshwa.

15 min: Ku Pfuna Vadyuhari Leswaku Va Hlanganyela eNsin’wini. Vahuweleri vo tala lavo tshembeka lava dyuhaleke va ni ku navela lokukulu ko hlanganyela eku chumayeleni ni vandlha, kambe va ni swiphiqo swa miri leswi vangiwaka hi ku kula ni mavabyi. Ku ni tindlela leti hi nga kombisaka leswaku ha va khathalela hi ku va katsa entlaweni lowu yaka ensin’wini: Tinyiketele ku va pfuna hi xo famba; endla malunghiselelo yo tirha emakaya lama nga riki na switepisi swo tala; veka movha ekusuhi leswaku va ta wisa loko va karhele; tinyikele ku va heleketa eka maendzo ya vona yo vuyela; va byele leswaku u ta va yisa ekaya loko va karhele ku tirha. Vadyuhari va wu tlangela swinene mpfuno lowu va nyikiwaka wona. Boxa tindlela tin’wana leti mi kombisaka nkhathalelo wo tano kwala vandlheni ha tona. Hlamusela tinhla-nkulu leti nga eka xihloko lexi nge “Ha Va Tlangela Lava Kuleke!” lexi kumekaka eka Xihondzo xo Rindza xa February 1, 1986, matluka 28-9.

20 min: Hlamusela Tibuku Leti Nga Ta Fambisiwa Hi January. Fambisani buku leyi nge Ku Rhula Ka Ntiyiso Ni Nsirhelelo—U Nga Swi Kuma Njhani? Loko u tirhisa buku leyi nge Ku Hlamulana, matluka 9-14, hlamusela swingheniso leswi fanelaka swa ku fambisiwa ka buku. Endla nkombiso hi xingheniso xin’we kumbe swimbirhi.

Risimu 137 ni xikhongelo xo pfala.

Yi ya emahlweni eka tluka 7

Minhlangano (yi sukela eka tluka 2 )