Ku Tsakela Ku Andza Loku Humaka Eka Xikwembu

¹ Vakreste va lembe-xidzana ro sungula a va ri vachumayeri va Mfumo lava hisekaka. A va tsaka loko ‘mavandlha ma andza siku rin’wana ni rin’wana.’ (Mint. 16:5) Ku chumayela ka vona hi xivindzi ku fike ni le Asiya, Yuropa ni le Afrika, ku va ni ntshovelo lowukulu wa vapfumeri.

² Yesu u vhumbhe leswaku emasikwini ya makumu, ntirho wa ku chumayela a wu ta fika ni le ‘misaveni hinkwayo leyi akiweke ni le ka vamatiko hinkwavo’! (Mt. 24:14) Hi lembe ra ntirho ra 1996, hi hambete hi kuma swiviko swa ku andza lokukulu ni tinhlohlorhi letintshwa ta vahuweleri leti humaka ematikweni ya misava hinkwayo. Ku simekiwe mavandlha yo tala lamantshwa. Ku andza loku ka xihatla ku endle swi fanela ku aka madzana ya Tiholo ta Mfumo ni Tiholo ta Tinhlengeletano letintshwa kun’we ni ku ndlandlamuxa miako yo hlayanyana ya marhavi.

³ Vutirheli Bya Hina Bya Mfumo bya August 1996 byi vike ntirho lowukulu wa ku aka lowu endlekaka eAfrika. Ntirho lowu fanaka wu le ku endliweni eLatin America. Eka lembe ra ntirho ra 1996, Mexico ri vike nhlohlorhi leyi xiyekaka ya vahuweleri va 470 098 ni avhareji ya tidyondzo ta Bibele to ringana 600 751, leswi vangeke ku simekiwa ka mavandlha lamantshwa yo ringana 466! Ku ndlandlamuxiwa ka rhavi ra vona ku kunguhatiwe leswaku ku fika emakumu eku heleni ka 1999. Ku andza loku fanaka ematikweni man’wana yo tala ku endla leswaku mintirho yin’wana ya ku aka ya swa le tilweni yi nga saleli endzhaku.

⁴ Ku aka swa durha kun’wana ni kun’wana, naswona vamakwerhu ematikweni yo tala va ni swilo switsongo leswi vonakaka swa ku nyikela ha swona. Hambiswiritano, hikwalaho ka ku hisekela ka vona ntirho wa Yehovha, entiyisweni va kula emoyeni ni ku andza hi nhlayo. Swivuriso 28:27 yi hi tiyisekisa leswaku “l’a pfunaka v̌apfumari a nga ka a nga pfumali.” Ku tinyikela ka hina ku pfuna vamakwerhu lava kun’we ni mintirho yin’wana yo aka swi ta endla leswaku hi “pfuna” hi swilo leswi vonakaka, leswi nga ta endla leswaku hinkwavo va kuma ntsako lowu vaka kona hi ku nyika ni ku tsaka loku vangiwaka hi ku vona ku andza loku humaka eka Yehovha!—2 Kor. 8:14, 15; Mint. 20:35.

Rhavi Ra Le Paraguay

Rhavi Ra Le Ecuador

Miako Yo Engetela Ya Le Mexico Leyi Nga Eku Akiweni

Rhavi Ra Le Rhiphabliki Ra Dominika

Rhavi Ra Le Brazil Ni Miako Yo Engetela

Rhavi Ra Le Uruguay Ri Le Ku Akiweni

Tiholo ta Mfumo leti tolovelekeke eLatin America leti akiweke hi mali ya le hansi

1. Brazil

2. Nicaragua

3. Chile

4. Colombia

5. Mexico

6. Brazil

7. Peru

8. Venezuela

9. Mexico