Minhlangano Ya Ntirho Ya February

Vhiki Leri Sungulaka Hi February 3

Risimu 27

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Marungula Ya Swa Mfumo. Tsundzuxa vahuweleri ku vika ntirho wa vona wa nsimu wa January xikan’we-kan’we. Matsalana ni vafambisi va tidyondzo ta buku va fanele va kambela leswaku swiviko swa ntirho wa nsimu hinkwaswo leswi saleleke endzhaku swa tin’hweti leti hundzeke na swona swi fanele swi tisiwa. Swiviko leswi swi saleleke ndzhaku swi fanele swi katsiwa ni xiviko xa vandlha xa January.

15 min: “Hlanganyela eNtirhweni Lowu Nga Ta Ka Wu Nga Ha Engetiwi.” Swivutiso ni tinhlamulo. Loko nkarhi wu pfumela, katsa ni tinhla leti humaka eka xihloko lexi nge “Ku Hambeta U Rindzile—Njhani?” eka matluka 714-15 ya buku leyi nge Vahuweleri.

20 min: “Ku Twarisa Mahungu Lamanene Hi Ku Gingiriteka.” (Tindzimana 1-5) Endzhaku ka nhlamuselo yo koma ya ndzimana 1, makwerhu la nyikelaka nkulumo leyi u burisana ni vahuweleri vambirhi kumbe vanharhu hi tindzimana 2-5. Va vulavula hi tinhla-nkulu ta swingheniso leswi ringanyetiweke, ivi va vulavula hi leswaku i yini lexi nga ha endlaka swingheniso leswi kumbe swin’wana leswi fanaka swi tirha ensin’wini ya kwala vandlheni. Vahuweleri va cincana eku titoloveteni ka swingheniso leswi. Makwerhu la nyikelaka nkulumo wa va bumabumela, ivi a ringanyeta tindlela to swi endla swi tirha swinene. Kutani u vutisa vayingiseri malunghana ni tindlela leti pakani ya ku sungula tidyondzo yi nga fikeleriwaka ha yona. U hlamusela tindlela to karhi leti eku heteleleni u nga sungulaka dyondzo hi ku tirhisa buku leyi nge Vutivi ha tona.

Risimu 34 ni xikhongelo xo pfala.

Vhiki Leri Sungulaka Hi February 10

Risimu 29

5 min: Switiviso swa vandlha. Xiviko xa timali.

10 min: “Ku Twarisa Mahungu Lamanene Hi Ku Gingiriteka.” (Tindzimana 6-8) Endla nkombiso wa swingheniso leswi nga eka tindzimana 6-7. Kandziyisa xilaveko xo endla riendzo ro vuyela laha ku tsakela ku kombisiweke kona.

30 min: “Ku Laveka—Maphayona Ya Nkarhinyana Yo Ringana 10000.” Yi hlanganisiwa hi swivutiso ni tinhlamulo hi mulanguteri wa ntirho. Kandziyisa bokisi leri nga eka tluka 3. Hlamusela swiyimiso swa xikombiso leswi nga eka tluka 6. Muhuweleri un’wana ni un’wana la khuvuriweke u fanele a ehleketisisa hi yexe ni hi xikhongelo loko a ta swi kota ku phayona n’hweti yin’we kumbe to tala. Vahuweleri lava nga khuvuriwangiki va nga ndlandlamuxa vutirheli bya vona hi ku tivekela tipakani ta vona vini ta tiawara n’hweti yin’wana ni yin’wana.

Risimu 43 ni xikhongelo xo pfala.

Vhiki Leri Sungulaka Hi February 17

Risimu 30

10 min: Switiviso swa vandlha. Boxa tinhla leti tsakisaka to bula ha tona eka timagazini ta sweswinyana leti nga tirhisiwaka ensin’wini vhiki leri.

13 min: “Xitsundzuxo—Xiendlakalo Xa Nkoka Swinene!” Swivutiso ni tinhlamulo. Va khutaze leswaku va endla n’hweti hinkwayo ya March yi va yo hlawuleka hi ku phayona nkarhinyana. Kandziyisa ku tirhisiwa ka swirhambo swa Xitsundzuxo.

22 min: Ku Sungula Tidyondzo Ta Bibele Ta Le Kaya. Etin’hwetini ta sweswinyana, ku fambisiwe magidi ya tibuku letikulu. Leswi swi hi pfulela ndlela yo sungula tidyondzo tin’wana to tala ta le kaya ta Bibele. Hlamusela leswi nga endliwa kwala vandlheni eku fambisiweni ka tibuku. Khutaza vahuweleri leswaku va landzela ku tsakela hinkwako. Vana ni vahuweleri vo hlayanyana va hlamusela hi ku kongoma leswi va faneleke va swi endla leswaku va sungula tidyondzo letintshwa ta Bibele ta le kaya. Kandziyisa leswaku xiphemu xa nkoka xa ntirho wa hina i ku endla vadyondzisiwa. (Mt. 28:19, 20) Leswi swi nga endliwa hilaha ku humelelaka loko hi tikarhatela ku tirhisa swiringanyeto leswi nga eka xiengetelo xa Vutirheli Bya Hina Bya Mfumo bya June 1996.

Risimu 47 ni xikhongelo xo pfala.

Vhiki Leri Sungulaka Hi February 24

Risimu 32

18 min: Switiviso swa vandlha. Khutaza hinkwavo ku tisa swiviko swa vona swa ntirho wa nsimu swa February xikan’we-kan’we eku heleni ka n’hweti, ku katsa ni swiviko leswi saleleke ndzhaku swa tin’hweti leti hundzeke. Tivisa mavito ya lava phayonaka nkarhinyana hi March. Hlamusela leswaku nkarhi wo endla xikombelo wa ha ri kona. Khutaza hinkwavo leswaku va hlanganyela hi xitalo entirhweni wa nsimu hi Mugqivela, March 1. Boxa malunghiselelo man’wana lama endliwaka kwala vandlheni ya minhlangano ya ntirho wa nsimu. Hlamusela Bokisi Ra Swivutiso hi vukheta.

12 min: “Ku Vuriwa Yini Hi Maxaka Ya Wena?” Nuna na nsati va burisana hi xihloko lexi va ri vambirhi ivi va endla xiboho xa ndlela yo yisa mahungu lamanene eka maxaka lama nga pfumeriki.—Vona Xihondzo xo Rindza xa February 15, 1990, matluka 25-7.

15 min: Hlamusela Buku Leyi Nga Ta Fambisiwa Hi March—Xihundla Xa Ntsako eNdyangwini. Hi ku komisa, hlamusela swivangelo swa ku hahluka ka mindyangu ka manguva lawa. (Vona Xihondzo xo Rindza xa October 15, 1992, matluka 4-7.) Pfuxeta leswi nga endzeni ka buku leyi, eka tluka 3. Kombela vayingiseri leswaku va hlawula tindzima leti va nga ta ti tirhisa loko va yi fambisa. Kombisa bokisi ro dyondzisa leri kumekaka emakumu ka ndzima yin’wana ni yin’wana. Vana ni muhuweleri la nga ni vuswikoti a kombisa ndlela yo fambisa buku leyi. Tsundzuxa hinkwavo leswaku va tikumela tibuku leti va nga ta ti fambisa hi mahelo-vhiki lawa.

Risimu 48 ni xikhongelo xo pfala.