Minhlangano Ya Ntirho Ya November

Vhiki Leri Sungulaka Hi November 2

Risimu 38

10 min:Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Marungula Ya Swa Mfumo. Hlamusela xiviko xa ntirho wa nsimu wa August xa vandlha ra ka n’wina. Khutaza hinkwavo ku tisa swiviko swa vona swa ntirho wa nsimu swa October.

15 min:“Hinkwavo Va Fanele Va ‘Amukela Rito Hi Mbilu Hinkwayo’!” Swivutiso ni tinhlamulo. Katsa ni swiringanyeto leswi engetelekeke leswi humaka eka xiengetelo xa Vutirheli Bya Hina Bya Mfumo bya June1996, ndzimana 21.

20 min:“Ndzi Lava Dyondzo Ya Bibele!” Bulo ni vayingiseri leri fambisiwaka hi mulanguteri wa ntirho. Hlamusela ndlela leyi ku tikarhata loku ko endla maendzo yo vuyela hi vun’we kwala vandlheni ku nga ta endliwa ha yona. Loko swi koteka, vahuweleri lava nga ni ntokoto va nga ha tirha ni lava va ha riki vantshwa. Mintlawa leyi fambaka hi mimovha yi fanele yi va yitsongo leswaku ku ta endliwa maendzo yo vuyela yo tala. Hlamusela swiringanyeto leswi nga eka xiengetelo xa Vutirheli Bya Hina Bya Mfumo bya April 1998, tindzimana 12-15. Vana ni muhuweleri la nga ni vuswikoti a endla nkombiso wa ku fambisa dyondzo eka riendzo ro vuyela. Khutaza un’wana ni un’wana leswaku a tikarhatela ku sungula dyondzo leyintshwa.

Risimu 35 ni xikhongelo xo pfala.

Vhiki Leri Sungulaka Hi November 9

Risimu 187

13 min:Switiviso swa vandlha. Xiviko xa timali. Bokisi Ra Swivutiso.

15 min:Swilaveko swa vandlha.

17 min:“Akanani Hi Ku Hlamula eMinhlanganweni.” Swivutiso ni tinhlamulo. Hlamusela ndlela leyi ku hlamula swi engetelaka nhluvuko wa hina wa moya ha yona. (Vona Buku Yo Letela Ya Xikolo, dyondzo 38, ndzimana 4.) Kombela van’wana leswaku va hlamusela ndlela leyi va hluleke ku chava ku hlamula ha yona ni ndlela leyi va katekisiweke ha yona hi ku hlamula eminhlanganweni.

Risimu 51 ni xikhongelo xo pfala.

Vhiki Leri Sungulaka Hi November 16

Risimu 182

8 min:Switiviso swa vandlha.

20 min:“Valanguteri Lava Rhangelaka—Mulanguteri Wa Xikolo Xa Vutirheli Bya Le Tilweni.” Nkulumo hi mulanguteri wa xikolo. Tirhisa ni Buku Yo Letela Ya Xikolo, matluka 10-11, tindzimana 6-12.

17 min:“Vana La Humelelaka eVutirhelini Bya Wena.” Bulo ra swivutiso ni tinhlamulo eka tindzimana 1-7 ta xiengetelo. Talela ngopfu eka tinhla leti nga ha tirhaka ngopfu-ngopfu ensin’wini ya ka n’wina. Kokela nyingiso ebokisini leri nge “Ku Tirha Laha Ku Nga Ni Xilaveko Lexikulu.” Khutaza lava swiyimo swa vona swi va pfumelelaka leswaku va amukela xirhambo lexi.

Risimu 167 ni xikhongelo xo pfala.

Vhiki Leri Sungulaka Hi November 23

Risimu 89

8 min:Switiviso swa vandlha. Hlamusela mintokoto leyi kandziyisiweke eka tluka ra le ndzhaku ra Xalamuka! ya August 8, 1998, malunghana ni ndlela leyi buku leyi nge Nghwazi yi va khumbeke ha yona vanhu. Vahuweleri hinkwavo va fanele va xalamukela ku fambisa buku leyi eswiyin’weni leswi faneleke.

17 min:“Vana La Humelelaka eVutirhelini Bya Wena.” Bulo ra swivutiso ni tinhlamulo ra tindzimana 8-21 eka xiengetelo. Talela ngopfu eka tinhla leti nga ha tirhaka ngopfu-ngopfu ensin’wini ya ka n’wina.

20 min:Swiringanyeto Swa Ku Antswisa Ku Hlaya Ka Wena Bibele. Nkulumo leyi sekeriweke eka Xihondzo xo Rindza xa May 1, 1995, matluka 16-17. Kandziyisa mimbuyelo ya moya leyi kumiwaka hi ku hlaya Bibele siku ni siku. Pfuxeta swiringanyeto leswi nyikeriweke, ivi u hlamusela ndlela yo swi tirhisa. Vana ni vahuweleri vambirhi kumbe vanharhu va hlamusela ndlela leyi va vuyeriwaka ha yona hi ku hlaya Rito ra Xikwembu nkarhi na nkarhi.

Risimu 46 ni xikhongelo xo pfala.

Vhiki Leri Sungulaka Hi November 30

Risimu 64

15 min:Switiviso swa vandlha. Bumabumela hinkwavo lava hlanganyeleke eka tsima ra nsimu leyi nga aviwangiki naswona u nyikela xiviko xo hetelela malunghana ni leswi swi endliweke hi vandlha. Tsundzuxa hinkwavo ku tisa swiviko swa ntirho wa nsimu. Khutaza mani na mani la nga sungulangiki dyondzo hi November leswaku a hambeta a lwela ku endla tano hi December, loko ku fambisiwa buku leyi nge Vutivi ni Vuhundzuluxeri Bya Misava Leyintshwa Bya Matsalwa Ya Vukreste Ya Xigriki. Vana ni muhuweleri la nga ni vuswikoti a endla nkombiso wa riendzo ro vuyela a tirhisa bokisi leri nga eka tluka 19 eka buku leyi nge Vutivi; muhuweleri loyi u hlamusela ndlela leyi buku leyi yi nga tirhisiwaka ha yona leswaku munhu a twisisa tidyondzo ta Bibele ni ku sungula dyondzo.

15 min:Yi Tirhise Hi Ndlela Leyinene Khalendara Ya 1999 Ya Timbhoni Ta Yehovha. Nkulumo. Hlamusela swiyenge swa khalendara: (1) swifaniso swo saseka leswi kombisaka swiendlakalo leswi tsakisaka swa Bibele ni leswi yi dyondzisaka swona, (2) xiyimiso xa ku hlaya ka Bibele ka vhiki ni vhiki xa Xikolo xa Vutirheli bya le Tilweni, (3) xiyimiso xa ku hlaya ka Bibele ka lembe ni lembe hi vhiki ra le mahlweni ka Xitsundzuxo, (4) xitiviso xa mimpfuxeto yo tsala leyi landzelaka ni (5) switsundzuxo swo hlanganyela nkarhi ni nkarhi entirhweni wa timagazini. Hlamusela tindlela to tirhisa ndhawu yo tsalela leyi nga kona eka khalendara ku hlela xiyimiso xa ntirho wa nsimu, ku tsala swiviko swa ntirho wa nsimu ni minkarhi leyi u yi vekeleke ku tirha ni van’wana, ku longoloxa swiavelo swa minhlangano, ku tsala switsundzuxo swa riendzo ra mulanguteri wa xifundzha ni tinhlengeletano leta ha taka. Loko u hayeka khalendara endhawini leyi vonakaka ekaya kumbe entirhweni, u nga ha kota ni ku sungula mabulo ya Matsalwa. Hlamusela ntokoto lowu nga eka 1988 Yearbook, tluka 8.

15 min:Matsalana u pfuxeta “Switsundzuxo Swa Ntsombano” leswi kumekaka eka xiengetelo xa Vutirheli Bya Hina Bya Mfumo bya October 1998. Katsa ni leswi landzelaka: Xana se u ma endlile malunghiselelo lama hetisekeke ya ku va kona entsombanweni masiku manharhu hinkwawo? Xana u yile eka muthori wa wena u ya kombela leswaku u nga tirhi hi masiku manharhu? Xana u tiyisekile leswaku ndyangu hinkwawo wu swi lunghekerile ku ya tsala tinhla leswaku hinkwawo wu ta pfuneka eka nongonoko lowu? Xana u ta tirha hi ku tirhandzela entsombanweni? Xana u ma endlile malunghiselelo leswaku lava u dyondzaka na vona Bibele va va kona? Tsundzuxa vamakwerhu leswaku va nga yingayingi etiphasejini hi nkarhi wa nongonoko. Vatswari va fanele va va veka tihlo swinene vana va vona minkarhi hinkwayo. Emintsombanweni ya mune ya matiko hinkwawo, tiyiseka leswaku wa va amukela vapfhumba. Lava minkarhi ya ku chumayela hi xitshuketa. Vanhu lava u hlanganaka na vona eka swo famba swa mani na mani, laha ku cheriwaka kona petirolo, eswitolo ni le tihotela va nga ha tsakela rungula ra Mfumo. Lunghiselela ku va byela rona hi ku tshama u ri ni tibuku kumbe timagazini to hambana-hambana. Khutaza vahuweleri lava va nga ta va va nga ri kona hi December leswaku va tisa swiviko swa vona swa ntirho wa nsimu va nga si ya eku wiseni kumbe entsombanweni.

Risimu 121 ni xikhongelo xo pfala.