Marungula Ya Swa Mfumo

◼ Timbhoni ta Yehovha ti tsarisiwe ximfumo eBulgaria hi October 7, 1998. Hi hlanganyela ni vahuweleri va 946 va ndhawu leyi eku nkhenseni Yehovha hikwalaho ka ku humelela loku.

◼ Hi October 12, 1998, hulumendhe ya Latvia yi nyike mpfumelelo wa ku tsarisa mavandlha mambirhi yo sungula eka ya 21 ya tiko leri.

◼ Ku nga khathariseki nkaneto, vamakwerhu va le Furwa va phikelela va chumayela hi Mfumo. Hi November na December, tsima ra ku kokela nyingiso wa tiko eBibeleni ri endliwe hi ku hangalasa broxara leyi nge Buku Ya Vanhu Hinkwavo hi ndlela yo hlawuleka. Vatirhi va kwalomu ka 50 va le Bethele va sukile eFurwa va ya eBritain leswaku va ta pfuna erhavini hi ku gandlisa ni ku rhumela nhundzu, loko hi hala tlhelo swirho swin’wana swa 250 leswi saleke swa ndyangu wa Bethele eFurwa, kun’we ni vamakwerhu ensin’wini va hambeta va tirha hi ntsako ehansi ka swiyimo leswi tolovelekeke.

◼ Laha Afrika Dzonga hi n’hweti yo sungula ya lembe ra ntirho ra 1999, Holo ya Mfumo ya Tsumeb (Namibia) yi nyiketeriwile. En’hwetini leyi landzeleke ku nyiketeriwe Holo ya Mfumo leyintshwa eN’walungwini wa Pitori, naswona hi November, tiholo ta tsevu leti landzelaka ti nyiketeriwile: Inanda Newtown West, Maphophoma, Nongoma na Nyuswa (hinkwato ti le KwaZulu Natal), Jwaneng (Botswana) na Bloemfontein South. Hi tsaka kun’we ni mavandlha lawa, lawa sweswi ma nga ni Tiholo ta Mfumo to saseka leti ma gandzelaka Yehovha eka tona.