Xiyimiso Xa Nhlangano Wa Ntirho

XIYA: (1) Vutirheli Bya Hina Bya Mfumo, byi ta va ni Xiyimiso xa Nhlangano hi nkarhi wa ntsombano, hikwalaho ku ta va ni mpfuxeto wa tinhla-nkulu ta nongonoko wa ntsombano wa 30 wa timinete hi vhiki ra December 27. Mavandlha ma nga ha endla ndzulamiso lowu faneleke leswaku ma ta ya eNtsombanweni wa Muganga wa “Rito Ra Xikwembu Ra Vuprofeta,” kun’we ni ku endla mpfuxeto wa Nhlangano wa Ntirho eka vhiki leri tlhandlamaka.

(2) Ku sukela enkandziyisweni lowu wa Vutirheli Bya Hina Bya Mfumo, Xiyimiso xa Nhlangano wa Ntirho xi ta katsa ni xiyimiso xa Nhlangano wa Ntirho wa vhiki ro sungula ra n’hweti leyi landzelaka. Ku cinca loku ku endleriwa leswaku ku papalatiwa xiphiqo lexi nga vaka kona loko swo endleka Vutirheli Bya Hina Bya Mfumo byi hlwela ku rhumeriwa hikwalaho ka lunghiselelo lerintshwa ra ku rhumela tibuku.

Vhiki Leri Sungulaka Hi December 6

Risimu 207

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Khutaza vahuweleri hinkwavo leswaku va hlanganyela evutirhelini bya nsimu eku sunguleni ka December. Lava nga ta va va nga ri kona kumbe va ye entsombanweni eku heleni ka n’hweti, va fanele va tisa swiviko swa vona va nga si famba. Kandziyisa nkoka wa ku va hinkwerhu hi tisa swiviko swa n’hweti ya December.

15 min: “Tekelela Yehovha—U Nga Yi Hi Nghohe.” Xingheniso xa wena a xi ve ehansi ka minete ivi ku landzela bulo ra swivutiso ni tinhlamulo. Hlamusela leswaku ku nga yi hi nghohe swi vula yini, ndlela leyi Yehovha a kombisaka ha yona ku nga yi hi nghohe ni ndlela leyi hina hi nga ku kombisaka ha yona evutirhelini.—Vona Insight, Vholumo 1, tluka 1192, tindzimana 4-7.

20 min: “Xana Leswi A Hi Si Tshama Hi Swi Twa?” Nkulumo ni ku burisana ni vayingiseri. Kombela vayingiseri va hlamusela leswaku ku phindha-phindhiwa ka rungula ro karhi swi va pfune njhani leswaku va twisisa ni ku tlangela ntiyiso hi xitalo.—Vona Xihondzo xo Rindza xa July 15, 1995, matluka 21-2, ni xa August 15, 1993, matluka 13-14, tindzimana 10-12.

Risimu 218 ni xikhongelo xo pfala.

Vhiki Leri Sungulaka Hi December 13

Risimu 168

10 min: Switiviso swa vandlha. Xiviko xa timali. Nyikela swiringanyeto mayelana ni tindlela ta ku angula hi vutlharhi loko hi xewetiwa hi mikhuva ya tiholideyi. Loko vandlha ri ri ni buku leyi nge Nghwazi kumbe leyi nge Great Teacher exitokweni, kombisa ndlela leyinene leyi ti nga tirhisiwaka ha yona evutirhelini hi tiholideyi ta Khisimusi.

15 min: “Xikolo Xa Vutirheli Bya Le Tilweni Xa 2000.” Nkulumo leyi nga ta nyikeriwa hi mulanguteri wa Xikolo xa Vutirheli bya le Tilweni. Hlamusela ku cinca loku landzelaka ka xiyimiso xa lembe lerintshwa. Nkulumo No. 3 yi ta va yi sekeriwe eka “Tinhloko-mhaka To Vulavurisana Ta Bibele” hilaha ti andlariweke hakona eka Vuhundzuluxeri Bya Misava Leyintshwa. Nkulumo No. 4 yi ta va yi sekeriwe ebukwini leyi nge Ku Hlamulana Hi Matsalwa kumbe eka “Tinhloko-mhaka To Vulavurisana Ta Bibele.” Laha nomboro ya nkulumo yi landzeriwaka hi mfungho lowu (#), loko swi koteka swi nga va swinene leswaku yi nyikeriwa hi makwerhu wa xinuna. Khutaza hinkwavo leswaku va fambisana ni ku hlaya ka vona ka Bibele ka vhiki ni vhiki ni ku hisekela ku nyikela tinkulumo leti va averiweke tona.

20 min: “U Nga Ku Yini Eka Munhu La Nge Xikwembu A Xi Kona?” Swivutiso ni tinhlamulo. Hlamusela swivangelo swo hambana-hambana leswi endleke vanhu vo tala va lahlekeriwa hi ripfumelo eka Xikwembu. Ringanyeta tindlela leti hi nga burisanaka na vona ha tona, hi va pfuna ku twisisa vukona bya Xikwembu. Vana ni nkombiso wun’we kumbe yimbirhi yo koma. Leswaku u kuma rungula leri engetelekeke, vona buku leyi nge Ku Hlamulana, matluka 409-15, ni buku leyi nge Ku Lavisisa Ka Vanhu Xikwembu, ndzima 14.

Risimu 220 ni xikhongelo xo pfala.

Vhiki Leri Sungulaka Hi December 20

Risimu 219

10 min: Switiviso swa vandlha. Kombela vahuweleri va hlamusela hi ku komisa mintokoto leyi va ha ku vaka na yona evutirhelini bya nsimu.

15 min: Ku Angula Lava Lavaka Ku Siva Bulo. Ku burisana ni vayingiseri kun’we ni minkombiso. Hlaya “Tinhlamuselo” eka matluka 15-16 ya buku leyi nge Ku Hlamulana. Hlamusela tindlela timbirhi kumbe tinharhu leti tirhisiwaka hi ‘lava lavaka ku siva bulo’ leti nga eka matluka 16-20, kumbe u boxa tindlela tin’wana leti vanhu van’wana va ti tirhisaka endhawini ya ka n’wina. Hlamusela tindlela tin’wana leti ringanyetiweke leti hi nga angulaka ha tona, naswona nyika xivangelo leswaku ha yini ti nga vaka leti humelelaka endhawini ya ka n’wina. Hi ku komisa hlamusela tin’wana ta tona. Kombela vayingiseri va hlamusela tindlela tin’wana to angula ha tona leti va ti tirhiseke hi ndlela leyi humelelaka.

20 min: Xana Ndzi Nga Wu Amukela Ntirho Lowu Katsaka Nhlengeletano Ya Vukhongeri? Nkulumo leyi nga ta nyikeriwa hi nkulu, leyi sekeriweke eka Xihondzo xo Rindza xa April 15, 1999, matluka 28-30. Vanhu van’wana va amukele mintirho yo tano naswona endzhakunyana va xiye leswaku a va endla ntirho lowu lwisanaka ni misinya ya milawu ya Bibele. Kambisisa timhaka leti hi faneleke hi anakanyisisa ha tona loko hi endla xiboho mayelana ni ku tirha ntirho lowu fambisanaka ni timhaka ta vukhongeri. Khutaza hinkwavo leswaku va namarhela mahanyelo lama nga ta endla leswaku hi va ni xiyimo lexinene emahlweni ka Yehovha.—2 Kor. 6:3, 4, 14-18.

Risimu 109 ni xikhongelo xo pfala.

Vhiki Leri Sungulaka Hi December 27

Risimu 166

15 min: Switiviso swa vandlha. Marungula Ya Swa Mfumo. Loko vandlha ra ka n’wina ri ta cinca minkarhi ya minhlangano eka lembe lerintshwa, hi musa, khutaza hinkwavo leswaku va va kona eminhlanganweni nkarhi ni nkarhi hi minkarhi leyintshwa leyi vekiweke. Tivisani swichudeni swa Bibele ni vanhu van’wana lava tsakelaka mayelana ni ku cinca kun’wana ni kun’wana loku endliweke, naswona sungulani ku tirhisa swiphephana swa swirhambo leswi kombisaka minkarhi leyintshwa. Tsundzuxa hinkwavo leswaku va tisa swiviko swa vona swa ntirho wa nsimu swa December.

30 min: Mpfuxeto Wa Ntsombano Wa Muganga wa “Rito Ra Xikwembu Ra Vuprofeta.” Yi ta nyikeriwa hi vakulu vanharhu lava averiweke ka ha ri ni nkarhi. Endlani mpfuxeto lowu tsakisaka ni lowu hanyaka wa tinhla-nkulu ta siku ha rin’we ra ntsombano. Mpfuxeto lowu lowu lunghiseleriweke kahle wu ta pfuna swirho swa vandlha leswaku swi tsundzuka tinhla-nkulu leti swi nga ta ti tirhisa evuton’wini bya swona ni le vutirhelini. Tinhlamuselo ni mintokoto leyi humaka eka vayingiseri yi fanele yi komisiwa ni ku ba nhloko ya mhaka.

Risimu 224 ni xikhongelo xo pfala.

Vhiki Leri Sungulaka Hi January 3

Risimu 10

10 min: Switiviso swa vandlha. Tsundzuxa hinkwavo ku tisa swiviko swa ntirho wa nsimu swa December.

15 min: Swilaveko swa vandlha.

20 min: Tiva Ndlela Leyi U Nga Hlamulaka Ha Yona. (Kol. 4:6) Nkulumo ni ku burisana ni vayingiseri. Buku leyi nge Ku Hlamulana i xitirho xa risima xo pfula ndlela yo byela van’wana ntiyiso wa Bibele. Loko n’wini wa muti a kaneta yin’wana ya tidyondzo ta hina, kumbexana hi nga tirhisa swihloko leswi nge “Loko Munhu A Ku—” leswi kumekaka emakumu ka dyondzo yoleyo. Tlhuvutsa tinhlamuselo leti khumbaka Bibele leti nga eka matluka 45-8, naswona hlamusela xivangelo xa ku va tinhlamuselo leti ringanyetiweke ti nga vaka mpfuno swinene.

Risimu 56 ni xikhongelo xo pfala.