Xiyimiso Xa Nhlangano Wa Ntirho
Vhiki Leri Sungulaka Hi March 10
10 min: Switiviso swa vandlha. Tirhisa swingheniso leswi nga eka tluka 8 kumbe swingheniso swin’wana leswi fanelaka nsimu ya n’wina, u endla nkombiso wo fambisa Xihondzo xo Rindza xa March 1 ni Xalamuka! ya March swin’we ni xirhambo xa Xitsundzuxo.
20 min: Ha Yini Hi Hlangana Swin’we? Nkulumo leyi katsaka ku bula ni vayingiseri leyi sekeriweke eka Xihondzo xo Rindza xa May 15, 2007, matluka 11-13. Kombela vayingiseri va hlamusela leswaku ku va kona eminhlanganweni swi va pfune njhani nileswaku va swi hlule njhani swihinga leswaku va kota ku va kona nkarhi hinkwawo.
15 min: “Hinkwerhu Hi Ni Swo Karhi Leswi Hi Nga Swi Nyikaka Yehovha.”a Loko nkarhi wu pfumela, kombela vayingiseri leswaku va hlamusela matsalwa lama kombisiweke.
Vhiki Leri Sungulaka Hi March 17
10 min: Switiviso swa vandlha. Tsundzuxa vayingiseri leswaku va ta ni Xihondzo xo Rindza xa April 1 ni Xalamuka! ya April eka Nhlangano wa Ntirho wa vhiki leri taka, naswona va tilunghiselela ku ta bula hi swingheniso leswi fanelaka nsimu ya n’wina. Switiviso leswi hlawuriweke eka Vutirheli Bya Hina Bya Mfumo.
15 min: Bokisi Ra Swivutiso. Yi fanele yi nyikeriwa hi nkulu. Hlayani mi tlhela mi bula hi xihloko hinkwaxo.
20 min: “Xana Hi Nga Va Pfuna Njhani Lava Teke eXitsundzuxweni?”b Loko mi bula hi ndzimana 5, endla nkombiso wo koma wo kombisa ndlela leyi dyondzo ya Bibele yi nga ha sunguriwaka ha yona ni munhu loyi a hi endzeleke eXitsundzuxweni.
Vhiki Leri Sungulaka Hi March 24
5 min: Switiviso swa vandlha. Hlaya xiviko xa timali ni marito yo nkhensa minyikelo.
10 min: Tilunghiselele Ku Fambisa Timagazini Ta Sweswinyana. Nkulumo leyi katsaka ku bula ni vayingiseri. Endzhaku ko hlamuselanyana magazini wa Xihondzo xo Rindza xa April 1 ni Xalamuka! ya April, vutisa vayingiseri leswaku hi swihi swihloko leswi nga khumbaka vanhu va le nsin’wini ni xivangelo xa kona. Kombela vayingiseri va vula tinhla to karhi ta swihloko leswi va nga ta swi vulavulela. Hi xihi xivutiso lexi u nga xi vutisaka loko u sungula bulo? Hi rihi tsalwa leri nga exihlokweni leri u nga ri hlayaka? Endla nkombiso wo fambisa Xihondzo xo Rindza xa April 1 ni Xalamuka! ya April, u tirhisa swiringanyeto leswi ringanyetiweke leswi nga tirhaka ensin’wini ya n’wina.
30 min: “Xana U Nga Tinyiketela Ku Ya Tirha eBethele?” Nkulumo leyi khutazaka, leyi nga ta pfa yi katsa tinhlamuselo ta vayingiseri loko va hlamula swivutiso leswi lunghiseleriweke eka tindzimana 13 na 18-24. Khutaza vatswari leswaku va pfuna vana va vona ku tivekela pakani ya ku ya tirha eBethele. Khutaza mindyangu leswaku yi hlaya xiengetelo lexi swin’we eka dyondzo ya yona ya ndyangu.
Vhiki Leri Sungulaka Hi March 31
10 min: Switiviso swa vandlha. Tsundzuxa vahuweleri leswaku va tisa swiviko swa vona swa ntirho wa nsimu wa March.
20 min: Yi Tirhise Kahle Buku Ya Lembe Ya 2008. Nkulumo leyi katsaka ku bula ni vayingiseri. Pfuxeta tinhla leti nga eka “Papila Leri Humaka Eka Huvo Leyi Fumaka,” leri nga eka matluka 3-5. Kombela vamakwerhu vambirhi kumbe vanharhu va hlamusela mintokoto leyi humaka eka Buku Ya Lembe, leyi va khutazeke swinene. Hlela ka ha ri emahlweni leswaku ku va ni muhuweleri un’we kumbe vambirhi lava nga ta hlamusela ndlela leyi va hleleke ha yona ku hlaya Buku Ya Lembe hinkwayo. Gimeta hi ku khutaza hinkwavo leswaku va hlaya buku hinkwayo.
15 min: “Hambetani Mi Akana Loko Mi Ri eNsin’wini”c
Vhiki Leri Sungulaka Hi April 7
10 min: Switiviso swa vandlha.
20 min: Ha Yini U Veketela Mhaka Ya Ku Khuvuriwa? Nkulumo leyi nyikeriwaka hi nkulu leyi sekeriweke eka Xihondzo xo Rindza xa July 1, 2006, matluka 29-30, tindzimana 14-17. Vana ni mbulavurisano wo koma ni muhuweleri un’we kumbe vambirhi lava nga khuvuriwa va ha ri vatsongo. I yini lexi va susumeteleke ku teka goza leri ra nkoka va ha ri vatsongo? Ku khuvuriwa ka vona swi va pfune njhani leswaku va sirheleleka ni ku kula hi tlhelo ra moya?
15 min: Xana U Swi Ringetile Ku Tirhisa Swingheniso Leswi Kongomeke? Nkulumo leyi katsaka ku bula ni vayingiseri leyi sekeriweke eka xiengetelo xa Vutirheli Bya Hina Bya Mfumo bya January 2002, tluka 6. Bulani hi swingheniso leswi kombisiweke ni ndlela leyi swi nga cinciwaka ha yona leswaku ku sunguriwa dyondzo ya Bibele hi ku tirhisa buku leyi nge Leswi Bibele Yi Swi Dyondzisaka. Kutani vana ni nkombiso wun’we kumbe yimbirhi. Khutaza vayingiseri leswaku vhiki leri taka va ringeta hambi ko va kan’we ku sungula dyondzo ya Bibele hi ku tirhisa xingheniso lexi kongomeke hi buku leyi nge Leswi Bibele Yi Swi Dyondzisaka.
[Tinhlamuselo ta le hansi]
a Xingheniso xa wena xi nga heti minete ivi ku landzela bulo ra swivutiso ni tinhlamulo.
b Xingheniso xa wena xi nga heti minete ivi ku landzela bulo ra swivutiso ni tinhlamulo.
c Xingheniso xa wena xi nga heti minete ivi ku landzela bulo ra swivutiso ni tinhlamulo.