Xiyimiso Xa Vhiki Ra October 1
VHIKI LERI SUNGULAKA HI OCTOBER 1
Risimu 103 ni Xikhongelo
□ Dyondzo Ya Bibele Ya Vandlha:
bt ndz. 27 ¶10-18 (30 min.)
□ Xikolo Xa Vutirheli Bya Le Tilweni:
Ku hlaya ka Bibele: Daniyele 4–6 (10 min.)
No. 1: Daniyele 4:18-28 (u nga hundzi timinete ta 4)
No. 2: Lexi Endlaka Vakreste Va Ntiyiso Va Papalata Ku Tirhisa Vungoma (5 min.)
No. 3: Xana Xikwembu A Xi Swi Twarisa Njhani Swiletelo Eka Malandza Ya Xona Ya Laha Misaveni Ya Nkarhi Lowu Nga Hundza?—rs tl. 186 ¶1-2 (5 min.)
□ Nhlangano Wa Ntirho:
5 min: Sungula Dyondzo Ya Bibele Hi Mugqivela Wo Sungula. Hi ku tirhisa swiringanyeto leswi kumekaka eka tluka leri, kombisa ndlela leyi dyondzo ya Bibele yi nga sunguriwaka ha yona hi Mugqivela wo sungula wa October. Khutaza hinkwavo leswaku va va kona.
15 min: Hi Tirhe Njhani N’wexemu? Nkulumo leyi nga ta nyikeriwa hi mulanguteri wa Ntirho. Hlamusela leswi vandlha ri swi endleke eka lembe ra ntirho leri nga hundza, u dzika eka swilo leswinene leswi ri swi endleke, kutani u ri bumabumela. Vulavurisana ni muhuweleri un’we kumbe vambirhi lava veke ni mintokoto yo tsakisa. Boxa yinhla yin’we kumbe timbirhi leti vandlha ri faneleke ri antswisa eka tona eka lembe lerintshwa ra ntirho, u tlhela u hlamusela leswi ri faneleke ri swi endla leswaku ri ta antswisa.
10 min: Swiringanyeto Swo Fambisa Timagazini Hi October. Bulo ni vayingiseri. Tirhisa tisekoni ta 30 ku ya eka 60 u hlamusela xivangelo lexi nga ta endla leswaku timagazini leti ti koka rinoko ensin’wini ya n’wina. Hi ku tirhisa swihloko leswi tlhandlamanaka swa Xihondzo xo Rindza, kombela vayingiseri va ringanyeta swivutiso leswi nga tlhontlhaka mianakanyo ya n’wini wa muti ni tsalwa leri nga hlayiwaka. Endla leswi fanaka eka Xalamuka! naswona loko nkarhi wu pfumela endla leswi fanaka eka magazini ha wun’we. Endla nkombiso wa ndlela leyi magazini ha wun’we wu nga fambisiwaka ha yona.
Risimu 85 ni Xikhongelo