Swingheniso Leswi Hi Nga Swi Tirhisaka

Ku Sungula Tidyondzo Ta Bibele Hi Mugqivela Wo Sungula Wa October

“Ndza tshemba u ta pfumelelana na mina leswaku vutomi byi vonaka byi kome ngopfu. Xana u anakanya leswaku hi ta kala hi hanya handle ka mavabyi naswona hi hanya nkarhi wo leha? [Yimela nhlamulo.] Xiya leswi magazini lowu wu swi vulaka.” Nyika n’wini wa muti Xihondzo xo Rindza xa October 1, ivi mi kambisisa swin’we rungula leri nga ehansi ka xihlokwana xo sungula eka tluka 16 kutani u hlaya tsalwa rin’we. N’wi nyike magazini kutani u hlela ku tlhela u vuya leswaku mi ta bula hi xivutiso lexi landzelaka.

Xihondzo xo Rindza October 1

“Hi ku endzerile hikuva vanhu vo tala va karhateka malunghana ni vukanganyisi lebyi nga kona eka mabindzu ni le ka mfumo. Xana u ehleketa leswaku swi kona leswi nga endliwaka malunghana ni xiphiqo lexi? [Yimela nhlamulo.] Xiya leswi tsalwa leri ri swi vulaka malunghana ni leswi Yesu a nga ta swi endla hi vukanganyisi lebyi. [Hlaya Pisalema 72:12-14.] Magazini lowu wu kombisa leswaku vukanganyisi byi ta hela ku nga ri khale.”

Xalamuka! October

“Vatswari vo tala va lava leswaku vana va vona va kuma dyondzo leyinene. Xana u ehleketa leswaku vantshwa vo tala lava thwasaka eswikolweni masiku lawa, va swi lunghekerile ku langutana ni mintlhontlho ya vutomi? [Yimela nhlamulo.] Xiya leswi Bibele yi swi vulaka malunghana ni nkoka wo va ni vutivi ni vutlhari. [Hlaya Eklesiasta 7:12.] Magazini lowu wu ni swiringanyeto swa ntlhanu leswi nga pfunaka vana leswaku va humelela exikolweni.”