Ntlhandlamano Lowuntshwa Lowu Nga Ta Kumeka Eka Xihondzo Xo Rindza

Eka Mugqivela wo sungula wa n’hweti yin’wana ni yin’wana a hi tirhisa swihloko swa ntlhandlamano leswi nge “Dyondza Eka Rito Ra Xikwembu” leswaku hi sungula tidyondzo ta Bibele. Ku sukela hi January, swihloko leswi swi ta siviwa hi leswi nge, “Ku Hlamuriwa Ka Swivutiso Swa Bibele” leswi nga ta kumeka eka tluka ro hetelela ra nkandziyiso wa vanhu hinkwavo. Hi nga tirhisa swihloko leswi ensin’wini hi ndlela leyi a hi tirhisa leswi nge, “Dyondza Eka Rito Ra Xikwembu.” (km 12/10 tl. 2) Hilaha a swi ri ha kona enkarhini lowu nga hundza, Vutirheli Bya Hina Bya Mfumo byi ta va ni swingheniso leswi hi nga swi tirhisaka hi Mugqivela wo sungula wa n’hweti.