Xana U Nga Rhamba Van’wana?

EMavandlheni yo tala ku ni vahuweleri lava nga swi kotiki ku ya ensin’wini hikwalaho ka mavabyi kumbe ku dyuhala. (2 Kor. 4:16) Xana u nga rhamba un’wana loyi a nga le ka xiyimo xo tano leswaku a famba na wena eka dyondzo ya wena ya Bibele? Loko muhuweleri a nga swi koti ku famba, kumbexana u nga fambisa dyondzo ya wena ya Bibele ekaya ra yena. Xana minkarhi yin’wana u nga endla malunghiselelo yo famba ni muhuweleri loyi a vabyaka eka ntirho wa yindlu ni yindlu mi chumayela makaya ma nga ri mangani kumbe mi ya endla riendzo rin’we ro vuyela kumbe mambirhi? Vahuweleri vo tala lava dyuhaleke va ni ntokoto swinene ensin’wini. Xisweswo, matshalatshala ya wena a ma nge vuyerisi vona ntsena. Na wena u ta vuyeriwa. (Rhom. 1:12) Ku engetela kwalaho, Yehovha u ta ma katekisa matshalatshala ya wena yo kombisa rirhandzu hi ndlela leyi.—Swiv. 19:17; 1 Yoh. 3:17, 18.