Swingheniso Leswi Hi Nga Swi Tirhisaka

Kingdom News No. 38

“Ndzi le ka tsima ra misava hinkwayo ra ku hangalasa rungula leri ra nkoka. Hi leyi kopi ya wena.”

Xiya: Leswaku ku hlanganisiwa nsimu, komisa xingheniso xa wena. Hambiswiritano, minkarhi yin’wana n’wini wa muti a nga ha kombisa ku tsakela ka xiviri naswona a nga ha tsakela leswaku u bula na yena. Loko swi ri tano, u nga kombela ku twa vonelo rakwe malunghana ni xivutiso lexi nga emahlweni, n’wi hlayeli nhlamulo leyi humaka eBibeleni leyi kombisiweke endzeni ka xiphephana kutani mi kambisisa leswi xiphephana xi swi tameleke loko nkarhi wu pfumela. Loko u nga si famba, n’wi kombe “Xivutiso Xo Anakanyisisa Ha Xona” lexi nga endzhaku naswona u hlela ku tlhela u vuya leswaku mi ta bula hi xona.

Xihondzo xo Rindza November 1

“Hi ku ya hi vonelo ra wena, hi wahi mavunwa lamakulu lama tshameke ma vuriwa malunghana ni Xikwembu? [Yimela nhlamulo.] Hi ku ya hi Bibele, Xikwembu xi lava leswaku vanhu va xi rhandza va tlhela va xi tshemba. [Hlaya Esaya 41:13.] Magazini lowu wu paluxa mavunwa manharhu lama tolovelekeke malunghana ni Xikwembu lama endleke van’wana swi va tikela ku tshinela eka xona.”

Xalamuka! November

“Hi ku endzele swa xinkarhana hikuva vanhu vo tala va vilela hileswaku nkoka wa mahanyelo wa hohloka. Xana u anakanya leswaku vanhu volavo va endle leswaku mahanyelo ma hohloka? [Yimela nhlamulo.] Bibele yi profete leswaku langutelo ra vanhu ni mahanyelo ya vona swi ta cinca. [Hlaya 2 Timotiya 3:1-5.] Magazini lowu wu hlamusela ndlela leyi hi faneleke hi tshemba nkoka wa mahanyelo lowu kumekaka eBibeleni.”