Twarisa Ntiyiso Malunghana Na Yesu Hi Ku Hiseka

Hi ta ya hi hiseka swinene loko hi tiva ndlela yo byela van’wana ntiyiso malunghana na Yesu. Yesu i ribye ra masungulo ra le yinhleni leri ripfumelo ra ntiyiso ri simekiwaka eka rona. (Efe. 2:20) Handle ka yena a hi nga ta va na wona ntshembo wo kuma vutomi. (Mint. 4:12) Hikwalaho, i swa nkoka leswaku vanhu hinkwavo va tiva xikhundlha xa Yesu exikongomelweni xa Xikwembu. Vo tala va xisiwile hi tidyondzo leti nga sekeriwangiki eMatsalweni. Khombo ra kona, swi nga ha endleka va nga yi kumi mikateko leyi Rito ra Xikwembu ri yi tshembisaka lava kombisaka ripfumelo eka Yesu. Ku hisekela ka hina ntiyiso ku ta hi susumetela ku pfuna vanhu va timbilu letinene leswaku va n’wi tiva kahle Yesu, va tiva vuxaka lebyi a nga na byona ni Xikwembu ni xiphemu lexi a xi hetisisaka eka xikongomelo xa Xikwembu. Xana u ta twarisa ntiyiso hi ku hiseka malunghana na Yesu hi nkarhi lowu wa Xitsundzuxo?