MAHANYELO YA VAKRESTE
Vantshwa—Tirhisani Nkarhi Lowu Mi Pfulekeleke
Swi nga hi olovela ku anakanya leswaku hi ta tshama hi ri vantshwa ni leswaku a hi nge pfuki hi langutane ni “masiku ya khombo” lama fambisanaka ni ku dyuhala emisaveni ya Sathana. (Ekl 12:1) Loko u ri muntshwa, u pfulekeriwe hi nkarhi wo tala wa leswaku u tivekela tipakani to tirhela Xikwembu, to tanihi ntirho wa nkarhi hinkwawo.
‘Swiendlakalo leswi nga languteriwangiki’ swa hi wela hinkwerhu, ku katsa ni vantshwa. (Ekl 9:11) “A mi swi tivi leswaku vutomi bya n’wina byi ta va [njhani] mundzuku.” (Yk 4:14) Loko swi koteka, rhangisa ku tirhela Xikwembu. Famba hi “nyangwa leyikulu leyi yisaka entirhweni” loko wa ha ku pfulekerile. (1Ko 16:9) A wu nge tisoli.
Tipakani tin’wana to tirhela Xikwembu:
Ku chumayela hi ririmi rin’wana
Vuphayona
Ku ya eka swikolo swa nhlengeletano
Ntirho wo aka
Ntirho wa le Bethele
Ntirho wo endzela mavandlha