Dzunisa Yehovha Hi Ku Va Phayona

Vaisrayele a va ri ni swivangelo swa nkoka swo dzunisa Yehovha. U va humese eEgipta a tlhela a va kutsula eka vuthu ra Faro! (Eks 15:1, 2) Yehovha u ya emahlweni a endlela vanhu vakwe swilo leswinene. Hi nga swi kombisa njhani leswaku ha n’wi khensa?—Ps 116:12.

Ndlela yin’wana leyi hi nga swi kombisaka ha yona i ku va maphayona ya nkarhinyana kumbe ya nkarhi hinkwawo. U nga khongela u kombela Yehovha leswaku a ku nyika matimba yo endla ntirho wo phayona. (Flp 2:13) Vo tala va sungula hi ku va maphayona ya nkarhinyana. Loko u lava ku va phayona ra nkarhinyana u nga ha hlawula ku tirha tiawara ta 30 kumbe ta 50 hi nh’weti ya March na April ni hi nh’weti ya mulanguteri wa muganga. Ntsako lowu u veke na wona loko u tirha tanihi phayona ra nkarhinyana wu nga ku susumetela ku teka goza ro va phayona ra nkarhi hinkwawo. Hambileswi van’wana va tirhaka mitirho yo tihanyisa kumbe va nga ni swiphiqo swa rihanyo, va tirha tanihi maphayona ya nkarhi hinkwawo. (mwb16.07 8) Swa tsakisa ku tiva leswaku Yehovha wa ma tlangela matshalatshala lama hi ma endlaka leswaku hi n’wi dzunisa!—1Tk 16:25.

HLALELANI VHIDIYO LEYI NGE, VAMAKWERHU VANHARHU VA LE MONGOLIA, KUTANI MI HLAMULA SWIVUTISO LESWI LANDZELAKA:

• 

  Hi hiyi mintlhontlho leyi vamakwerhu vanharhu va yi hluleke leswaku va kota ku phayona?

• 

  Hi yihi mikateko leyi va yi kumeke?

• 

  Hi yihi mitirho yin’wana leyi va yi endleke entirhweni wa Yehovha hileswi a va ri maphayona ya nkarhi hinkwawo?

• 

  Xikombiso xa vona xi va pfune njhani vanhu van’wana?