Leswi Endlaka Nyimpi Ni Madzolonga Ya Swa Tipolitiki Swi Ya eMahlweni Swi Nyanya

XIDYOHO

Xikwembu xi vumbe vatswari va hina vo sungula, ku nga Adamu na Evha hi xifaniso xa xona. (Genesa 1:27) Sweswo a swi vula leswaku a va ta va ni vumunhu byo fana ni bya Xikwembu byo tanihi ku rhula ni rirhandzu. (1 Vakorinto 14:33; 1 Yohane 4:8) Hambiswiritano, Adamu na Evha a va xi yingisanga Xikwembu naswona va dyohile. Hikwalaho ka sweswo, hinkwerhu hi ni xidyoho naswona ha fa. (Varhoma 5:12) Leswi hi nga ni xidyoho, hi ehleketa ni ku endla swilo swo biha.—Genesa 6:5; Marka 7:​21, 22.

MIFUMO YA VANHU

Xikwembu a xi hi vumbanga hi ri ni vuswikoti byo tikongomisa. Bibele yi ri: “Munhu la fambaka a nga ka a nga ma kongomisi magoza yakwe.” (Yeremiya 10:23) Hikwalaho ka sweswo, mifumo ya vanhu a yi nge swi koti ku herisa nyimpi ni madzolonga hi ku helela.

SATHANA NI MADIMONA YAKWE

Bibele yi vula leswaku “misava hinkwayo yi le hansi ka matimba ya Sathana.” (1 Yohane 5:19) “Sathana” Diyavulosi i mudlayi loyi a nga ni tihanyi. (Yohane 8:44) Yena ni madimona, va kucetela vanhu leswaku va sungula nyimpi ni madzolonga.—Nhlavutelo 12:​9, 12.