INDONESIA
Yehovha U Hi Katekise Hi Ndlela Leyi A Hi Nga Yi Langutelanga!
Angeragō Hia
U VELEKIWE HI 1957
U KHUVURIWE HI 1997
MATIMU YAKWE HI KU KOMISA U tlhelele eximutanini xa ka vona lexi nga ekule eXihlaleni xa Nias laha a nga fika a simeka vandlha.
HI 2013, vandlha ra hina leritsongo leri nga eTugala Oyo ri twe mahungu yo tsakisa ya leswaku hi ta va na Holo ya Mfumo leyintshwa! Vatirhelamfumo va kwalaho va ri tsakerile tsima leri naswona vaakatiko va 60 va sayine xikombelo xa hina kutani va hi nyika mpfumelelo. Muakatiko un’wana u hi byele a ku: “Loko mi lava leswaku ku sayina vanhu va 200, va ta sayina.”
Vatirhi vambirhi va ku tirhandzela vo aka Tiholo ta Mfumo lava nga ni ntokoto va tile leswaku va ta langutela ku akiwa ka holo leyintshwa, leyi hetiweke hi November 2014. A hi nga si tshama hi anakanya leswaku vandlha ra hina ri ta kala ri va ni ndhawu yo saseka yo fana ni leyi ya vugandzeri. Hakunene, Yehovha u hi katekise hi ndlela leyi a hi nga yi langutelanga!