Xana Mi Mpambukwa Lowu Humaka eAmerika?

Ntsindza wa hina wa misava hinkwayo wu le United States of America. Hambiswiritano, a hi mpambukwa lowu humaka eAmerika hikwalaho ka swivangelo leswi landzelaka:

• Van’wana va vula leswaku mpambukwa i ntlawa wo karhi lowu tihambaniseke ni vukhongeri byo karhi. Timbhoni ta Yehovha a ti humi eka vukhongeri byo karhi. Kambe hi tlhela hi sungula ku endla hi ndlela leyi Vakreste vo sungula a va endla hakona.

• Timbhoni ta Yehovha ti endla ntirho wa tona eka swihlala ni le matikweni yo tlula 230. Ku nga khathariseki leswaku hi tshama kwihi, ku dzuneka hi ku nyika Yehovha Xikwembu na Yesu Kreste, ku nga ri hulumendhe ya le United States kumbe hulumendhe yin’wana ni yin’wana ya vanhu.—Yohane 15:19; 17:15, 16.

• Tidyondzo ta hina hinkwato ti huma eBibeleni, ku nga ri eka murhangeri wo karhi wa vukhongeri wa le United States.—1 Vatesalonika 2:13.

• Hi landzelela Yesu Kreste, ku nga ri murhangeri wo karhi.—Matewu 23:8-10.