Xana Xikwembu I Matimba Lama Nga Hanyiki?

Nhlamulo ya Bibele

Xikwembu xi tirhisa matimba lamakulu evuakweni hinkwabyo. Loko Bibele yi vulavula hi ndlela leyi xi vumbeke ha yona tinyeleti ta ntsandza-vahlayi, yi ri: “Tlakuselani mahlo ehenhla mi vona. I mani loyi a tumbuluxeke swilo leswi? Hi Loyi a humesaka vuthu ra swona hi nhlayo ya swona, hinkwaswo u swi vitana hi vito. Hikwalaho ka ku tala ka matimba lamakulu, nileswi a nga ni ntamu lowukulu, ku hava ni xin’we xa swona lexi pfumalekaka.”—Esaya 40:25, 26.

Kambe Xikwembu a xo va ni matimba lamakulu ntsena. Bibele yi vula leswaku xi ni mintlhaveko yo tanihi rirhandzu ni rivengo. (Pisalema 11:5; Yohane 3:16) Yi tlhela yi vula leswaku swiendlo swa vanhu swi nga khumba mintlhaveko ya xona.—Pisalema 78:40, 41.