Hi wahi marito lawa ma yi hlamuselaka kahle ndlela leyi u titwaka ha yona?
A ndzi se tshama ndzi eneriseka hi ndlela ndzi langutekaka ha yona.
Minkarhi yin’wana ndza eneriseka hi ndlela leyi ndzi langutekaka ha yona.
Minkarhi hinkwayo ndza eneriseka hi ndlela leyi ndzi langutekaka ha yona.
I yini lexi ngopfu-ngopfu u nga tsakelaka ku xi cinca hi miri wa wena?
Ku leha
Ntiko
Xivumbeko xa miri
Misisi
Muvala wa nhlonge
Timayisele
Swin’wana
Hetisa xivulwa lexi landzelaka.
Miri wa mina a wu ndzi tsakisi . . .
loko ndzi khandziya exikalwini.
loko ndzi tilanguta exivonini.
loko ndzi tiringanisa ni van’wana (vanghana, vanavetisi va swiambalo, vatlangi va tifilimi).
Hetisa xivulwa lexi landzelaka.
Ndzi kambela ntiko wa mina . . .
siku ni siku.
vhiki ni vhiki.
ku nga si hela vhiki.
Hi wahi marito lama hlamuselaka kahle ndlela leyi u titwaka ha yona?
Miri lowu nga yimekangiki. (Xikombiso: “Minkarhi hinkwayo loko ndzi tilanguta exivonini, ndzi vona munhu wo nyuhela la nga riki na xivumbeko xo saseka. Ndzi kala ndzi titsona swakudya leswaku ndzi ta hunguta miri.”—Serena.)
Miri lowu nga yimeka. (Xikombiso: “Minkarhi hinkwayo ku ta va ni nchumu wo karhi lowu hi nga wu rhandziki hi miri wa hina kambe swilo hi fanele hi swi amukela. A hi swinene ku karhateka hi nchumu lowu hi nga ta ka hi nga wu cinci.”—Natanya.)
Bibele yi hi byela leswaku hi nga tiehleketeleli ku tlula mpimo “lowu [hi] faneleke ku tiehleketelela ha wona.” (Varhoma 12:3) Hikwalaho i swinene naswona i swa nkoka ku tiehleketelela ku fikela eka mpimo wo karhi. Hi xikombiso, u hlamba meno ya wena hikuva wa khathala hi rihanyo ra wena.
Kambe ku vuriwa yini loko wo tshamela ku karhateka hikwalaho ka ndlela leyi u langutekaka ha yona—lerova u tshama u ri ni gome? Loko swi ri tano u nga ha tivutisa . . .
‘Ha yini ndzi ri ni langutelo leri hoxeke hi ndlela leyi ndzi langutekaka ha yona?’
Ku nga ha va ni swivangelo swo hlayanyana. Leswi katsaka:
Nkucetelo wa swihaxa-mahungu. “Vantshwa va kuceteriwa hi swifaniso leswi hi endlaka hi vona leswaku hi fanele hi va ni miri lowutsongo wu tlhela wu saseka minkarhi hinkwayo. Hikwalaho, loko hi nga vi hi ndlela yoleyo hi titwa hi nga pfuni chumu!”—Kellie.
Nkucetelo wa vatswari. “Ndzi xiye leswaku loko manana a karhateka swinene hi miri wa yena, hakanyingi n’wana wa yena wa nhwanyana na yena u endla hilaha ku fanaka. Swi nga va tano ni hi vatatana ni vana va majaha.”—Rita.
Ku nga titshembi. “Vanhu lava karhatekaka ngopfu hi miri wa vona va tshamela ku lava ku bumabumeriwa hi van’wana malunghana ni ndlela leyi va langutekaka ha yona. A swi tsakisi ku va ekusuhi ni vanhu vo tano!”—Jeanne.
Ku nga khathariseki xivangelo, u nga ha tivutisa . . .
“A hi minkarhi hinkwayo laha u nga cincaka swilo leswi u nga swi rhandziki ha wena, hikwalaho swa antswa u swi amukela. Loko u endla tano, vanhu van’wana a va nge swi xiyi swilo sweswo.”—Rori.
“Endla leswi u nga swi kotaka leswaku u va ni rihanyo lerinene. Loko u ri ni rihanyo lerinene, u ta languteka hi ndlela leyi u faneleke u languteka ha yona. Naswona loko munhu wo karhi a nga koti ku amukela leswi u nga xiswona (ku tlula ndlela leyi u langutekaka ha yona), munhu yoloye a hi munghana wa wena.”—Olivia.
Leswi u faneleke u swi tsundzuka: Endla leswi u nga swi kotaka leswaku u languteka kahle. Kambe u nga karhateki hi swilo leswin’wana. Ku karhateka ku tlula mpimo hi ndlela leyi u langutekaka ha yona, swi nga va ni khombo. (Hlaya “xitori xa Julia.”)
Kasi hi hala tlhelo, ku va ni langutelo leri ringanisiweke swi ta ku pfuna leswaku u tilanguta hi ndlela leyinene hilaha Erin, a vuleke hakona. U ri: “I ntiyiso, a ndzi titshembi kambe ndzi xiye leswaku ndzi karhateka ntsena loko ndzi xiye swilo leswi hoxeke. Sweswi ndzi tshamela ku endla vutiolori ndzi tlhela ndzi dya swakudya leswi nga ni rihanyo. Kutani swilo swin’wana swa namba swi ti endlekela.”
Lexi pfunaka ku va u tsaka hi ku languteka ka wena.
Loko u ri ni langutelo lerinene hi ndlela u langutekaka ha yona, u ta titwa (u tlhela u languteka) u sasekile. Bibele yi nga pfuna. Yi ku khutaza ku va u hlakulela leswi landzelaka:
Ku eneriseka. “Swa antswa ku tsakela leswi hi nga na swona ku tlula ku lava swin’wana hikuva sweswo i vuhava swi fana ni ku hlongorisa mheho.”—Eklesiasta 6:9, Contemporary English Version.
Ku endla vutiolori hi ndlela leyi ringaniseriweke. “Ku letela miri swa pfuna katsongo.”—1 Timotiya 4:8.
Vuxongi bya le ndzeni. “Munhu u vona ntsena leswi vonakaka ematihlweni; kambe loko ku ri Yehovha, u vona leswi mbilu yi nga swona.”—1 Samuwele 16:7.
“Xikandza xa hina xi kombisa ndlela leyi hi titwaka ha yona. Loko munhu a enerisekile, van’wana va nga swi xiya naswona sweswo swi va kokela eka munhu yoloye.”—Sarah.
“Vuxongi byi hatla byi xiyeka. Kambe leswi u nga swona endzeni ni timfanelo ta wena letinene, i swilo leswi vanhu va nga ta swi tsundzuka ngopfu hi wena.”—Phylicia.
