Tana U Ta Twa Nkulumo Ya Le Rivaleni Leyi Nge “Ripfumelo Ni Vumundzuku Bya Wena”

Xana vumundzuku bya wena byi nga tiviwa hakunene? Xana xi kona lexi u nga xi endlaka leswaku u tiva leswi byi nga ta va xiswona?

Nkulumo ya le rivaleni eka Ntsombano wa Muganga wa Timbhoni ta Yehovha wa “Ku Pfumela eRitweni Ra Xikwembu,” yi ta kombisa mhaka leyi ha yona ku nga ni ntshembo lowu tiyeke hi vumundzuku lebyinene. U nga yingisela nkulumo leyi ekusuhi ni le ka n’wina, tanihi leswi yi nga ta nyikeriwa eka madzana ya mintsombano emisaveni hinkwayo ku sukela n’hweti yoleyi.

Vutisa Timbhoni ta Yehovha endhawini ya ka n’wina kumbe u tsalela vakandziyisi va magazini lowu leswaku u tiva ndhawu leyi nga ekusuhi na wena leyi ntsombano wu nga ta khomeriwa eka yona.